Байнэт

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Байнэтбеларуская частка сеткі Інтэрнэт. У Байнэце налічваецца каля 70 000 вэб-сайтаў, каля паловы якіх месьцяцца ў дамэнай зоне .by.

Назва[рэдагаваць | рэдагаваць крыніцу]

Назва ўтворана па аналёгіі зь некаторымі іншымі сэгмэнтамі Інтэрнэту ў краінах СНД і адбываецца ад пазначэньня нацыянальнага дамэну Беларусі.by і слова net (па-ангельску: сетка). Існуе таксама альтэрнатыўная назва — Белнэт, скарачэньне ад «Беларускі Інтэрнэт», якое амаль ніхто не выкарыстоўвае.[1]

Гісторыя[рэдагаваць | рэдагаваць крыніцу]

У 1991 году высілкамі групы энтузіястаў ствараецца вузел сеткі Internet/Relcom. Гэты вузел упершыню ў Беларусі пачаў падаваць паслугі электроннай пошты.

У траўні 1994 году «Адкрыты кантакт» набыў статут адміністратара нацыянальнай дамэнай зоны by. Дзякуючы гэтаму сталі магчымыя беларускія сайты з канчаткам на .by. У 1995-96 гадох у сеціве пачалі зьяўляцца першыя беларускія старонкі.

3 ліпеня 1995 году было створана Рэспубліканскае дзяржаўнае прадпрыемства «Белтэлекам», якое было абвешчана нацыянальным апэратарам сувязі. У ліпені 1996 году зарабіла сетка «Белпак», якая мела ў той час 18 вузлоў доступу ў Інтэрнэт.

У сакавіку 1997 году запушчаны ў эксплёатацыю спадарожнікавы канал на 1024 кбіт/хв. (На сярэдзіну 2003 году сукупны вонкавы канал сувязі РУП «Белтэлекам» складаў 79 Мбіт/хв).

У лютым 1999 году «Белтэлекам» запусьціў агульнарэспубліканскую сыстэму беспарольнага камутаванага доступу, якая магла абслугоўваць да 15 000 абанэнтаў што месяц.

2000 год зьяўляецца пераломным у разьвіцьці беларускага Інтэрнэту. Рэзкае павелічэньне аўдыторыі карыстальнікаў, зьяўленьне новых правайдэраў і вэб-студый, правядзеньне конкурсаў і акцый па разьвіцьці сеткі — усё гэта, а таксама нястомнае павелічэньне актыўнасьці сайтабудаўнікоў, ператварылі Інтэрнэт з захапленьня «кампутарных геніяў» і тэхнароў у паўсядзённы занятак тысяч людзей самых розных прафэсій.

Беларусь стала адной з першых краін у сьвеце, якая прыняла закон пра электронны дакумэнт. Закон быў падпісаны прэзыдэнтам 22 сьнежня 1999 году.

У канцы 2002 году ўрад Беларусі прыняў Дзяржаўную праграму інфарматызацыі «Электронная Беларусь».

1 красавіка 2009 году адзін з найбольш наведвальных сайтаў рунэту — Bash.org.ru быў пераназваны ў «Цытатнік Байнэту» з поўным перакладам усіх цытат і інтэрфэйсу на беларускую мову.

Апошнія навіны: 1 красавіка 2009

Дарагія чытачы, сардэчна запрашаем у новую вэрсію Башорга! На гэты раз гэтае ня зьмены ў дызайне й ня новы падзел сайту, а цэлая новая мова. Зь сёньняшняга дня, у рамках змаганьня зь сусьветнай дэпрэсіяй і эканамічным крызысам, наш сайт даступны й на беларускай мове.

У самай блізкай будучыні мы плянуем запусьціць вэрсіі на ўкраінскай, баўгарскай, казахскай і, вядома, башкірскай мовах.

(Працы па лякалізацыі ідуць дагэтуль, просьба паставіцца з разуменьнем.)

У пастанове Саўміна «Пра некаторыя пытаньні ўдасканаленьня выкарыстаньня нацыянальнага сэгмэнту глябальнай кампутарнай сеткі Інтэрнэт» № 644 ад 29 красавіка 2010 гады прыводзяцца нормы, паводле якіх да 1 ліпеня 2010 году інтэрнэт-рэсурсы, якія месьцяцца на тэрыторыі Рэспублікі Беларусь , інфармацыйныя сыстэмы й сеткі неабходна зарэгістраваць[2].

Зыходзячы зь Указу Прэзыдэнта Рэспублікі Беларусь ад 01.02.2010 г. № 60 «Пра меры па ўдасканаленьні выкарыстаньня нацыянальнага сэгмэнту сеткі Інтэрнэт» (рэгістрацыйны нумар: 1/11368) з 1 ліпеня 2010 году доступ да сеткі Інтэрнэт у пунктах калектыўнага карыстаньня ажыцьцяўляецца толькі пасьля падаваньня дакумэнту, які выяўляе асобу й рэгістрацыі карыстальніка. Продаж карт доступу да сеткі Інтэрнэт па тэхналёгіі Wi-Fi ажыцьцяўляецца таксама пасьля падаваньня дакумэнтаў.

Памер Інтэрнэт-аўдыторыі ў Беларусі[рэдагаваць | рэдагаваць крыніцу]

Па дадзеных праведзенага ААН даследаваньня[3] па стане на 2006 год доступам у Інтэрнэт валодала 5 477 500 карыстальнікаў ці 56,5 % насельніцтва краіны. Гэта даволі высокі паказчык (22 месца ў сьвеце) і самы высокі паказчык ва Ўсходняй Эўропе (нароўні з Эстоніяй у якой таксама 56,5 %). У той жа час па дадзеных гэтага дасьледаваньня распаўсюджанасьць шырокапалёснага доступу ў Беларусі прыкметна менш чым у сярэднім па рэгіёне. Па дадзеных на 2006 год колькасьць карыстальнікаў шырокапалёснага доступу складала 11 400 ці 0,1 %. Такую сытуацыю можна збольшага растлумачыць тым што рынак шырокапалёснага доступу да 2006 года развіваўся галоўным чынам у Менску, паколькі Інтэрнэт-правайдары (акрамя дзяржаўнага Белтэлекама) не валодалі ўласнай сеткай перадачы даных дастатковай прапускной здольнасьці каб масава прапанаваць гэту паслугу нават у найбуйнейшых гарадах краіны. Пасьля таго як у канцы 2006 году Белтэлекам выйшаў на рынак масавага шырокапалёснага доступу, колькасьць карыстальнікаў гэтай паслугі стала імкліва расьці. Так у 2008 годзе Белтэлекам абвясьціў пра тое што колькасьць карыстальнікаў шырокапалёснага доступу ў яго дасягнула 100 тыс.[4]. Акрамя таго ў 2007—2008 гадох некалькі буйных беларускіх правайдараў таксама запусьцілі паслугу доступу па ADSL у абласных цэнтрах.

1 студзеня 2012 г. налічвалася звыш 6,3 млн. абанэнтаў сеціва, зь іх 53,8% карысталіся шыракапалосным доступам. 40% жыхароў ва ўзросьце ад 16 гадоў карысталіся сецівам. На 26 лістапада 2012 г. прапускная здольнасьць вонкавых каналаў доступу ў сеціва складала 250 Гбіт/сэк.[5] На 1 студзеня 2013 г. прапускная здольнасць вонкавых каналаў доступу ў сеціва склала 350 Гбіт/с. Колькасць абанэнтаў сеціва склала 8,4 млн, у тым ліку фізычных асобаў — 7,5 млн. Колькасьць абанэнтаў бяздротавага доступу — 5,7 млн. У агульнай колькасьці абанэнты шырокапалоснага доступу (стацыянарнага і бяздротавага) склалі 67,7%[6].

Інтэрнэт-гандаль у Беларусі[рэдагаваць | рэдагаваць крыніцу]

Сёньня Інтэрнэт — адзін з самых эфэктыўных і разьвітых каналаў продажу. Па дадзеных міністэрства гандлю [7] на 2008 год у Беларусі працуе каля 700 інтэрнэт-крама. Кожны год іх колькасьць павялічваецца ў сярэднім на 100 аб'ектаў. Першай беларускай Інтэрнэт-крамай быў сайт oz.by, праз які можна было купіць кнігі, відэакасэты, кампутарныя гульні. Гэта пляцоўка зьявілася ў кастрычніку 1999 году. У 2000 годзе паўсталі крамы shop.by і onliner.by. Цяпер гэта буйныя гандлёвыя пляцоўкі, на якіх месьцяцца сотні гандляроў. У Беларусі працуе вялікая колькасьць Інтэрнэт-крам, самыя буйныя з якіх: e-odezhda.by (адзежа і аксэсуары), oz.by і mirknig.by (кнігі, дыскі), novatek.by (ноўтбукі, кампутары, побытавая тэхніка). Па пастанове ўрада Беларусі № 649 ад 29 красавіка 2010 усе Інтэрнэт-крамы рэгіструюцца ў гандлёвым рэестры.

Паводле апытаньня пакупнікоў Інтэрнэт-крам [8] сярэдні ўзрост людзей, якія карыстаюцца паслугамі Інтэрнэт-крам у Беларусі — 21-25 гадоў (31 % карыстальнікаў), 25-29 гадоў (28 % карыстальнікаў). Мужчыны зьдзяйсьняюць Інтэрнэт-куплі часьцей жанчын: 56 % і 44 % карыстальнікаў адпаведна. Часьцей за ўсё жыхары Беларусі купляюць праз Інтэрнэт мабільныя тэлефоны й фотатэхніку, кампутары й наўтбукі. Усё часьцей беларусы заказваюць у Інтэрнэт-крамах будаўнічыя матэрыялы, мэблю, прадметы інтэр'еру, буйную тэхніку.

21 жніўня 2009 г. «БелТонМэдыя» заснаваў беларускамоўную краму www.prastora.by[9]. У 2010 г. таваразварот сеціўных крамаў склаў звыш 230 млрд. беларускіх рублёў[10] ($76,8 млн). У 2011 г. таваразварот сеціўных крамаў склаў 800,5 млрд. рублёў ($142,8 млн; 0,7% ад розьнічнага таваразвароту). На 14 красавіка 2012 г. налічвалася 3932 улічаныя крамы[11]. На 4 траўня з амаль 4 тыс. улічаных крамаў 75% знаходзіліся ў сталіцы, 12% — у Менскай вобласьці, па 2-3% у кожнай іншай вобласьці[12]. На 5 сьнежня на ўліку ў Міністэрстве гандлю стаяла 4665 сеціўных крамаў (48% ад агульнага ліку)[13].

Стан[рэдагаваць | рэдагаваць крыніцу]

Па меркаваньні дырэктара й заснавальніка TUT.BY Юрыя Зісера, Байнэт адстае ад Інтэрнэту ЗША на 9 гадоў (на чэрвень 2009 году)[14].

Да 2012 году беларускія райцэнтры могуць абагнаць Менск па ўзроўні пранікненьня Інтэрнэту. На чэрвень 2009 году ў гарадах з насельніцтвам больш 100 тысяч чалавек 12,2 % жыхароў карыстаюцца доступам у Сетку штодня. У Менску аналягічны паказчык складае 30,8 %. [15]

Статыстыка, рэйтынгі, каталягізацыя[рэдагаваць | рэдагаваць крыніцу]

Ажыцьцяўляецца шэрагам беларускіх парталаў:

  • Акавіта — першы беларускі рэйтынг сайтаў.
  • Беларускі bigmir)net — украінскі рэйтынг сайтаў, стварыў беларускую вэрсію ў 2008.
  • Геміюс — першая камэрцыйная сыстэма статыстыкі, пачала працаваць у 2008 году.

Рэспубліка Беларусь — на 66 месцы сярод краін з найбольш высокай «шкоднай актыўнасьцю ў інтэрнэце» (справаздача Symantec пра пагрозы інтэрнэт-бясьпекі за 2009 год). У першай сотні краін — Расея (7 месца), Украіна (27 месца), Казахстан (54 месца), Грузія (78 месца) і Малдова (86 месца)[16]

Крыніцы[рэдагаваць | рэдагаваць крыніцу]

  1. ^ Цяжкасьці перакладу й самаідэнтыфікацыі. Расставіць усе кропкі перад «by» пакуль не атрымоўваецца
  2. ^ Беларускія хостэры папытаюць уладальнікаў сайтаў зарэгістравацца
  3. ^ INFORMATION ECONOMY REPORT 2007—2008
  4. ^ Колькасьць абанэнтаў Byfly дасягнула 100 тыс. Навіны Беларусі, навіны Расеі, навіны спорту, навіны Ўкраіны, навіны зоркі
  5. ^ Агляд 2012: Лічбавыя тэхналёгіі Інфаграфіка. Беларускае тэлеграфнае агенцтва (26 лістапада 2012). Праверана 1 сьнежня 2012 г.
  6. ^ Марына Носава.. За апошні год колькасьць абанэнтаў сеткі інтэрнэт у Беларусі ўзрасла амаль на 23% // БелаПАН, 17 траўня 2013 г. Праверана 18 траўня 2013 г.
  7. ^ Штогод колькасьць інтэрнэт-крам у Беларусі ў сярэднім павялічваецца на 100 аб'ектаў
  8. ^ Big Fish Consalting: Вынікі апытаньня пакупнікоў Інтэрнэт-крамы
  9. ^ Вольга Жарнасек. Байнэт папоўніўся беларускамоўнай крамай // Наша Ніва, 21 жніўня 2009 г. Праверана 28 красавіка 2013 г.
  10. ^ Натальля Тарасюк. Міністэрства гандлю рэкамэндуе інтэрнэт-магазінам пераходзіць на безнаяўныя плацяжы // Белтэлерадыёкампанія, 22 жніўня 2011 г. Праверана 28 красавіка 2013 г.
  11. ^ Ганна Гарустовіч. Інтэрнэт-крамы будуць прымаць і безнаяўныя // Зьвязда : Газэта. — 14 красавіка 2012. — № 73 (27188). — С. 3. — ISSN 1990-763x.
  12. ^ Зьміцер Кахно. Беларускія інтэрнэт-магазіны могуць пазбавіцца наяўных грошай // Белтэлерадыёкампанія, 4 траўня 2012 г. Праверана 28 красавіка 2013 г.
  13. ^ Тацяна Грыгаровіч (5 сьнежня 2012) Мінгандаль канстатуе хуткае развіцьцё інтэрнэт-гандлю ў Беларусі Эканоміка. БелТАПраверана 6 сьнежня 2012 г.
  14. ^ Наста Ігнатовіч. Зісер: У Беларусі Інтэрнет дарагі, але гэта нікога не стрымлівае // Эўрарадыё, 1 чэрвеня 2009 г. Праверана 8 траўня 2013 г.
  15. ^ Рэгіянальны пратакол: тэхналёгіі ідуць у глыбінку
  16. ^ Беларусь патрапіла ў першую сотню краін з найбольш высокай «шкоднай актыўнасьцю ў інтэрнэце»

Глядзіце таксама[рэдагаваць | рэдагаваць крыніцу]

Спасылкі[рэдагаваць | рэдагаваць крыніцу]