Барбара Радзівіл (Завіша)

Барбара Завіша
Барбара Завішанка. Невядомы мастак, XVIII ст.
Герб «Лебедзь»
Асабістыя зьвесткі
Род:	Завішы

Барбара Радзівіл (у дзявоцтве Завіша; 3 сьнежня 1690 — 15 лютага 1770) — грамадзкая дзяячка.

Біяграфія

З шляхецкага роду Завішаў гербу «Лебедзь», дачка Крыштапа Станіслава і Тэрэзы з Тышкевічаў.

У ліпені 1710 выйшла замуж за Мікалая Фаўстына Радзівіла.

У часы бескаралеўя у 1733 была адной з ініцыятараў стварэньня канфэдэрацыі Наваградзкага ваяводзтва, скіраванай супраць кандыдата на сталец Станіслава Ляшчынскага. У 1736 наведала Санкт-Пецярбург, дзе атрымала вельмі прыхільны прыём пры расейскім імпэратарскім двары.

Была адной з найбольш палітычна актыўных прадстаўнікоў групоўкі Радзівілаў. Сачыла за абраньнем прыхільных да Радзівілаў дэпутатаў на Наваградзкім, Слонімскім, Ваўкавыскім, Гарадзенскім і Лідзкім сойміках.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 3: Дадатак А — Я. — Мінск: Беларуская Энцыклапедыя, 2010. — 690 с.: іл. ISBN 978-985-11-0487-7