Зьвесткі зь Вікіпэдыі — вольнай энцыкляпэдыі.
Барусія (па-нямецку: Borussia) — нямецкі футбольны клюб з гораду Дортмунд. Заснаваны ў 1909 годзе. 8-разовы чэмпіён Нямеччыны (у т.л. у сэзонах 2010–2011 і 2011–2012 гадоў) і двухразовы ўладальнік Кубка Нямеччыны. Уладальнік Кубка чэмпіёнаў (1997), уладальнік Кубка ўладальнікаў кубкаў (1966).
Клюб быў заснаваны 19 сьнежня 1909 году групай незадаволеных сэмінарыстаў у бары Zum Wildschütz (ням. «У стралка дзічыны»)[1]. Прычынай іхняй незадаволенасьці было тое, што іхны настаўнік, пастар Дэвальд ненавідзеў футбол і не жадаў уключаць яго ў праграму спартовага гуртка. Па іншай вэрсіі: сам пастар Дэвальд футбол не забараняў, больш за тое, заахвочваў гульню й нават купіў маладым вернікам мяч на царкоўныя грошы. Але Дэвальду не падабалася, што ягоныя падшэфныя пасьля футбольных матчаў дружнай кампаніяй накіроўваліся ў піўную. Пастар пашкадаваў, што далучыў маладых людзей да футбола, і стаў пераконваць іх вярнуцца ва ўлоньне Касьцёла. Частка юнакоў адраклася ад футбола, але 18 хлопцаў на чале з Францам Якабі добрай рады не прынялі. Імя «Барусія» паходзіць ад лацінскай назвы Прусіі й суседняй браварні. Спачатку каманда гуляла ў бела-блакітных паласатых кашулях з чырвонай паласой і чорных трусах. Сучасныя чорна-жоўтыя колеры зьявіліся ў годзе 1913 годзе. Першыя гады існаваньня каманда правяла ў акруговых лігах. У часы Першай сусьветнай вайны большасьць гульцоў «Барусіі» забралі ў жаўнеры. Вярнуліся не шматлікія й у 1920-я гады каманду прыйшлося ствараць ці ледзь не з нуля. З суседзямі па Вэстфаліі «Барусія» гуляла зь пераменным посьпехам, вось толькі з «Шальке-04» адносіны не складаліся. Клюб з Гэльзэнкірхэна стала абыгрываў дортмундцаў. Тым ня менш ўздыму «Барусіі» у галоўную лігу Вэстфаліі ў 1936 годзе спрыяў адзін з найвялікшых гульцоў «Шальке» — Эрнст Куцора, які пачаў сваю трэнэрскую дзейнасьць у варожым лягеры.
Па стане на 1 жніўня 2011 году
|
Пераможцы Лігі чэмпіёнаў |
|
Алімпік (Марсэль, Францыя) · Астан Віла (Бірмінггэм, Ангельшчына) · Аякс (Амстэрдам, Нідэрлянды) · Баварыя (Мюнхэн, Нямеччына) · Барсэлёна (Гішпанія) · Барусія (Дортмунд, Нямеччына) · Бэнфіка (Лісабон, Партугалія) · Гамбург (Нямеччына) · Інтэр (Мілян, Італія) · Лівэрпул (Ангельшчына) · Манчэстэр Юнайтэд (Ангельшчына) · Мілян (Італія) · Нотынггэм Форэст (Ангельшчына) · Порту (Партугалія) · ПСВ (Эйндговэн, Нідэрлянды) · Рэал (Мадрыд, Гішпанія) · Сьцяўа (Бухарэст, Румынія) · Сэлтык (Глазга, Шатляндыя) · Фэеноорд (Ратэрдам, Нідэрлянды) · Црвена Зьвезда (Бялград, Сэрбія) · Чэлсі (Лёндан, Ангельшчына) · Ювэнтус (Турын, Італія)
|
Барусія Дортмунд
