Барысікі
| Барысікі | |
| Вобласьць: | Берасьцейская |
| Раён: | Пружанскі |
| Сельсавет: | Зеляневіцкі |
| Часавы пас: | UTC+3 |
| Тэлефонны код: | +375 1632 |
| Паштовы індэкс: | 225158[1] |
| СААТА: | 1256825004 |
| Нумарны знак: | 1 |
| Геаграфічныя каардынаты: | 52°51′41.7″ пн. ш. 24°36′47.4″ у. д. / 52.861583° пн. ш. 24.613167° у. д.Каардынаты: 52°51′41.7″ пн. ш. 24°36′47.4″ у. д. / 52.861583° пн. ш. 24.613167° у. д. |
|
Барысікі на мапе Беларусі
 Барысікі
|
|
Бары́сікі[2] — вёска ў Пружанскім раёне Берасьцейскай вобласьці. Барысікі ўваходзяць у склад Зеляневіцкага сельсавету.
Зьмест |
[рэдагаваць] Гісторыя
Да 2006 року вёска ўваходзіла ў склад Лыскаўскага сельсавету. Рашэньнем Берасьцейскага абласнога савету дэпутатаў №261 7 верасьня 2006 року сельсавет скасаваны, яго вёскі ўвайшлі ў склад Зеляневіцкага сельсавету[3].
[рэдагаваць] Транспарт
Аўтамабільная дарога Р98 «Абход тэрыторыі нацыянальнага парку „Белавеская пушча“».
[рэдагаваць] Турыстычная інфармацыя
Непадалёк ад вёскі, па дарозе на Лыскаў, знаходзяцца могілкі, якія чакаюць уключэньня ў Дзяржаўны сьпіс гісторыка-культурных каштоўнасьцяў Беларусі. Тут пахаваныя прадстаўнікі шляхецкіх родаў Быхаўцаў, Валконскіх, Карпінскіх[4], генэралы артылерыі расейскага войска Томаш Казяроўскі і Ян Дварніцкі[5], і інш.
Увесну 2010 року была разрабаваная адна з магілаў, у якой пахаваны генэрал расейскага войска Станіслаў Юзэф Даніэль Быхавец (1829—1883). Каля мармуровае пліты, якая прыкрывала магілу, былі зробленыя два падкопы і ўзламаная мэталічная труна. Пры гэтым былі пашкоджаныя рэшткі пахаванага. Бацька Станіслава Аляксандар Быхавец вядомы тым, што захоўваў рукапісныя хронікі XVI стагодзьдзя. Мяркуецца, што ў 1834 року менавіта ён перадаў гэтыя рукапісы гісторыку ВКЛ Тэадору Нарбуту[4], ад якога яны й атрымалі назву «Хроніка Быхаўца».
Былі заўважныя сьляды пашкоджаньняў і на некаторых іншых надмагільлях, але ўскрыць іх злачынцы ня здолелі. Пружанскі райаддзел міліцыі ўзбудзіў крымінальную справу па артыкуле 344 КК РБ «Наўмыснае разбурэньне, зьнішчэньне ці пашкоджаньне помнікаў гісторыі і культуры»[4].
[рэдагаваць] Крыніцы і заўвагі
- ^ Алфавитный список улиц по Борисики(рас.) Пружанский район. Белпошта. Праверана 1 лістапада 2011 г.
- ^ Дзяржаўны каталёг найменьняў геаграфічных аб’ектаў Рэспублікі Беларусь(рас.). Дзяржаўны цэнтар картографа-геадэзічных матэрыялаў і зьвестак Рэспублікі Беларусь. Праверана 26 сакавіка 2012 г.
- ^ Решение Брестского областного Совета депутатов от 07.09.2006 N 261 «Об изменениях в административно-территориальном устройстве Пружанского района Брестской области»(рас.). Банк законов. Праверана 1 лістапада 2011 г.
- ^ a b c Антонина Хокимова. Чёрные копатели выходят на «охоту» // Вечерний Брест. — 19 траўня 2010.
- ^ Марына Ахрамовіч. (21 траўня 2010) Вандалы разграбили могилу сына хранителя «Хроники Быховца» Культура. Раённыя будні. Праверана 12 лютага 2012 г.
| Зеляневіцкі сельсавет | |
|---|---|
| Цэнтар савету | |
| Вёскі | |
| Хутар | |
