Баўбляй (музэй)

Баўбляй — першы музэй ў Летуве (1812), самы малы музэй у сьвеце, разьмяшчаецца ў вёсцы Біётай (Шылэльскі раён, 7 км да поўначы ад г. Скаўдвіле), з 1962 «Баўбляй» — філіял шавельскага музэя «Аўшры» (па-летувіску: «Aušros» muziejus), у 1969 абвешчаны помнікам гісторыі рэспубліканскага значэньня.

Пабудаваны ў 1812 Дыянісам Пашкевічам (Дзіонізас Пошка) з дзьвюх ацалелых і выдаўблёных частак вядомага дуба Баўбліс у якасьці скарбонкі для захоўваньня старажытнасьцяў — прыватнага музэя. У музэі захоўваліся археалягічныя знаходкі, косткі маманта, старажытная зброя, рыцарскія панцыры, нумізматычная калекцыя, бібліятэтка з 200 кніг, партрэты вядомых навукоўцаў, філёзафаў, паэтаў. Музэй ад пачатку існаваньня і да сёньняшняга дня наведваюць турысты. Частка збораў музэя загінула падчас Першай сусьветнай вайны. Цяпер над музэям «Баўбляй» узьвялі шкляны купал.