Беларусбанк

Зьвесткі зь Вікіпэдыі — вольнай энцыкляпэдыі.
Перайсьці да: навігацыі, пошуку
Беларусбанк
BelarusBank.png
Тып Адкрытае акцыянэрнае таварыства
Дэвіз Заўсёды побач!
Заснаваная 30 жніўня 1995 (17 гадоў таму)
Разьмяшчэньне Дзяржаўны сьцяг Беларусі Менск, Беларусь
Галіна банкаўская дзейнасьць
Прадукцыя банкаўскія паслугі
Абарачэньне Green Arrow Up Darker.svg4 633,6 млрд рублёў (2009 год; 1 652,9 млн $)
Апэрацыйны прыбытак Green Arrow Up Darker.svg517,3 млрд рублёў (2009 год; 184,5 млн $)
Чысты прыбытак Green Arrow Up Darker.svg419,1 млрд рублёў[1] (2009 год; 149,5 млн $[2])
Афіцыйны сайт www.belarusbank.by

ААТ «Акцыянэрны ашчадны банк «Беларусбанк» — найбуйнейшы[3] беларускі банк. Мае 6 абласных управаў, 42 філіялы, 1845 аддзяленьняў і 94 цэнтры банкаўскіх паслугаў у Беларусі[4], а таксама 4 прадстаўніцтвы за межамі краіны — ў Бэрліне (Нямеччына; зь 2003 г.), Варшаве (з 1997 году; Польшча), Маскве (з 1997 году; Расея) й Пэкіне (з чэрвеня 2007 г.; Кітай)[5]. Падпарадкоўваецца Дзяржаўнату камітэту па маёмасьці Рэспублікі Беларусь[6], бо ўрад валодае больш, як 85% акцыяў банка[7]. Ва ўласным падпарадкаваньні мае 8 даччыных прадпрыемстваў:

  1. «ААБ Аб’яднаная дырэкцыя рэканструкцыi i будаўнiцтва»,
  2. «ААБ Гарадзец»,
  3. «ААБ Лiзiнг»,
  4. «ААБ Наватар»,
  5. «ААБ Першая вясна»,
  6. «ААБ Цэнтар аздараўленьня Сонечны»,
  7. «ААБ Санаторый Спадарожнiк»,
  8. «ААБ Цяцерына»[8].

Зьмест

Перадгісторыя [рэдагаваць]

Годам стварэньня банку лічыцца 1922 год, калі рашэньнем Савету Народных Камісараў РСФСР былі ўсталяваны ашчадныя касы, якія прымалі грашовыя сродкі насельніцтва. Гэтыя грошы плянавалася накіраваць на індустрыялізацыю эканомікі СССР. У 1923 годзе у Менску адкрылася ашчадная каса №16, зь якой пачалося разьвіцьцё ашчаднай справы ў Беларусі. У 1927 годзе касы пачалі прыймаць падаткі, зборы і камунальныя плацяжы. У 1930—1931 гадох было ўтворана Галоўнае ўпраўленьне Дзяржпрацкасаў і Дзяржкрэдыту БССР, а таксама пачалася рэформа сэрыі ашчадкасаў з улікам адміністрацыйнага падзелу рэспублікі. З 1941 да 1945 году грашовая наяўнасьць і каштоўнасьці былі эвакуяваныя ў Казань. У 1962—1963 гадох ашчадныя касы былі падпарадкаваны Дзяржбанку СССР. У 1970 годзе пачаўся экспэрымэнт па выплаце заработнай платы праз ашчадныя касы на Беларускім аўтамабільным заводзе ў Жодзіна. У 1987 годзе ашчадныя касы былі пераўтвораны ў «Ашчадны банк», пачалася выдача крэдытаў на спажывецкія патрэбы грамадзянаў, а таксама ўтвораны «Беларускі рэспубліканскі банк Ашчаднага банка СССР».

У 1991 годзе Беларускі рэспубліканскі банк атрымаў магчымасьць самастойна вызначаць парадак правядзеньня дэпазытных і крэдытных апэрацыяў, адсоткавыя стаўкі і ўмовы выдачы крэдытаў, у гэтыя жа годзе быў утвораны «Ашчадны Банк Рэспублікі Беларусь»[9].

Мінуўшчына [рэдагаваць]

Указам прэзыдэнта Рэспублікі Беларусь №340 ад 30 жніўня 1995[10] году адбылося аб’яднаньне Ашчаднага банка і камэрцыйнага банку «Беларусбанк» у ААТ "ААБ «Беларусбанк». У 1996 годзе ў склад банка ўвайшлі галіновыя банкі «Белсувязьбанк» і «Белчыгункабанк». З 1997 году банк пачаў абслугоўваць аплатныя карткі МайстарКард, з 1998-га — і карткі Visa. У 1999 годзе атрымлівае пазыковую ацэнку ад Томсан Файнэншыал БэнкУотч (г.Чыкага, штат Іліной, Злучаныя Штаты Амэрыкі), з 2001-га — ад Фітч Рэйтынгс (г.Нью-Ёрк, ЗША). На 2004 год выпусьціў 1 мільён плястыкавых картак ды першым зь беларускіх камэрцыйных банкаў прыступіў да продажу аблігацыяў фізычным асобам[9]. Паводле ўказу № 257 ад 7 чэрвеня 2005 году ў склад банку ўвайшоў «МенскКомплексБанк»[11]. У лютым 2006 году банк адзначыў выпуск мільённай карткі МайстарКард, 9 кастрычніка — першым сярод банкаў краіны дасягнуў выпуску 2 мільёнаў пластыкавых картак. У траўні 2007 году выпусьціў мільённую картку Visa[9].

З 8 сьнежня 2008 году да новага году прыпыняў пазычаньне на набыцьцё збудаванага жытла[12], а таксама спыніў выдачу пазыкаў у замежных валютах за 14 дзён да адпаведнага загаду Нацыянальнага банку[13].

Крыніцы [рэдагаваць]

  1. ^ Кансалідаваная фінансавая справаздачнасьць за 2009 год у адпаведнасьці зь міжнароднымі стандартамі(рас.) Дзейнасьць банка. ААТ «ААБ Беларусбанк» (30 красавіка 2010). Праверана 10 лютага 2011 г.
  2. ^ Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2009 год. Нацыянальны банк Рэспублікі Беларусь. — Паводле сярэдняе за 2009 год цаны (2803,27) набыцьця даляра за рублі на валютным рынку. Праверана 10 лютага 2011 г.
  3. ^ Все банки Беларуси
  4. ^ Структура банка. ААТ «ААБ Беларусбанк». Праверана 10 лютага 2011 г.
  5. ^ Прадстаўніцтвы Структура банка. ААТ «ААБ Беларусбанк». Праверана 10 лютага 2011 г.
  6. ^ Структура холдынга. ААТ «ААБ Беларусбанк». Праверана 10 лютага 2011 г.
  7. ^ Структура акцыянэрнага капіталу. ААТ «ААБ Беларусбанк» (1 студзеня 2009). Праверана 10 лютага 2011 г.
  8. ^ Статуты ўнітарных прадпрыемстваў ААТ «ААБ Беларусбанк». ААТ «ААБ Беларусбанк». Праверана 10 лютага 2011 г.
  9. ^ а б в Гісторыя банка. ААТ «ААБ Беларусбанк». Праверана 10 лютага 2011 г.
  10. ^ Указ прэзыдэнта Рэспублікі Беларусь ад 30 жніўня 1995 году № 340(рас.). Нацыянальны прававы інтэрнэт-партал Рэспублікі Беларусь (12 студзеня 2007). Праверана 12 лютага 2011 г.
  11. ^ Указ прэзыдэнта Рэспублікі Беларусь ад 7 чэрвеня 2005 № 257(рас.). Нацыянальны прававы інтэрнэт-партал Рэспублікі Беларусь. Праверана 12 лютага 2011 г.
  12. ^ «Беларусбанк» спыніў крэдытаваньне жыльля. Радыё «Свабода» (15 сьнежня 2008). Праверана 12 лютага 2011 г.
  13. ^ Нацбанк: крэдыты ў валюце не выдаваць. Радыё «Свабода» (22 сьнежня 2008). Праверана 12 лютага 2011 г.

Вонкавыя спасылкі [рэдагаваць]
Nez grosh.png
Атрымана з «http://be-x-old.wikipedia.org/w/index.php?title=Беларусбанк&oldid=1553245»