Беларуская Палічка
| Беларуская Палічка | |
| URL | www.knihi.com |
|---|---|
| Тып | Інтэрнэт-бібліятэка |
| Рэгістрацыя | Няма |
| Даступныя мовы | Беларуская |
| Аўтар | Андрусь Жвір |
| Пачатак працы | 1996 год |
| Бягучы стан | Дзейны |
Беларуская Палічка — найстарэйшая й найбольшая (на 2005 год) беларуская электронная бібліятэка, закладзеная ў 1996 годзе[1] беларускім студэнтам з Аўстрыі Андрусём Жвірам[2] коштам уласнай стыпэндыі[3].
Сталы склад супрацоўнікаў пры заснаваньні налічваў 5 чалавек, у тым ліку дызайнэр, сыстэмны адміністратар ды сканавальнік. На час заснаваньня ўсе супрацоўнікі, акрамя самога Андруся Жвіра, пражывалі ў Беларусі ды займаліся стварэньнем электроннага кнігазбору бясплатна. Першымі разьмешчанымі на сайце кнігамі сталі «100 пытаньняў і адказаў з гісторыі Беларусі», «Па сьлядах аднаго міфу» Міколы Ермаловіча ды «Невядомая вайна: 1654—1667» Генадзя Сагановіча. Першым выдавецтвам, што дазволіла свае кнігі пераводзіць у электронны фармат быў «Беларускі кнігазбор». Найбольшаю папулярнасьцю нязьменна карыстаюцца пяць кнігаў:
- Біблія (выданьне ў перакладзе Васіля Сёмухі);
- «Беларускія летапісы і хронікі». Менск, МФ «Беларускі кнігазбор», 1997. ISBN 985-6318-15-7;
- «150 пытанняў і адказаў з гісторыі Беларусі» // Іван Саверчанка, Зьміцер Санько. Менск, 1999;
- «Дзесяць вякоў беларускай гісторыі» Арлова й Сагановіча. Менск, 1997;
- ды ангельскамоўная «Belarusian cuisine» («Беларуская кухня»).
Да лета 2005 году пры сайце дзейнічаў і форум («Гасьцёўня»)[1][4]. З 2001 году «Беларуская Палічка» зьмяніла адрэсу на knihi.com[5].
[рэдагаваць] Крыніцы
- ^ a b Віртуальная бібліятэка // Наша Ніва. №39, 2005 г.
- ^ Ігар Няхведаў. Вызвольны рок // Наша Ніва. №25, 2001 г.
- ^ Сяргей Кручкоў. Садаклад: «Беларуская мова ў інфармацыйнай прасторы» // Сайт Таварыства беларускай мовы імя Францішка Скарыны. Дата доступу: 19 траўня 2010
- ^ Тацяна Мураўёва. Litaraтурны інтэрнэт, або dzie ja? // Дзеяслоў. №6(19), 2005.
- ^ Вольга Караткевіч. Беларускі Дыялёг на Інтэрнэце // Радыё «Свабода». 7 студзеня 2001
