Беларускі дзяржаўны ўнівэрсытэт
| Беларускі дзяржаўны ўнівэрсытэт | |
| Заснаваны | 18 красавіка 1921 (91 год таму) |
|---|---|
| Тып | грамадзкі |
| Рэктар | Сяргей Абламейка |
| Факультэтаў | 20 |
| Колькасьць пэрсаналу | 7600 |
| Колькасьць студэнтаў | каля 25 000 |
| Колькасьць асьпірантаў | 1200 |
| Месцазнаходжаньне | |
| Горад | Менск |
| Краіна | Беларусь |
| Былыя назвы | Беларускі дзяржаўны ўнівэрсытэт імя У. І. Леніна |
| Міністэрства адукацыі Рэспублікі Беларусь | |
| Вэб-сайт | www.bsu.by |
Белару́скі дзяржа́ўны ўнівэрсытэ́т (БДУ) — вядучая вышэйшая навучальная ўстанова Беларусі. Знаходзіцца ў Менску.
Зьмест |
[рэдагаваць] Гісторыя
Заснаваны пастанаўленьнем Прэзыдыюму ЦВК БССР 18 красавіка 1921 году. Пачаў працаваць 30 кастрычніка. Першы рэктар — Уладзімер Пічэта. Першапачаткова ў склад унівэрсытэту ўваходзіла тры факультэты — рабочы, мэдычны ды факультэт грамадзкіх навук. У склад прафэсуры ўвайшлі Якуб Колас, Яўхім Карскі. Першы набор студэнтаў склаў 1390 чалавек. У 1922 годзе пачаў працаваць пэдагагічны факультэт (ператвораны зь Менскага інстытуту народнай адукацыі). Выкладаць на ім пачалі супрацоўнікі факультэту грамадзкіх навук.
У 1930 годзе на базе мэдычнага факультэта арганізаваны Беларускі мэдычны ўнівэрсытэт.
28 жніўня 1931 году пэдагагічны факультэт БДУ рэарганізаваны ў Беларускі дзяржаўны вышэйшы пэдагагічны інстытут. Яму быў перададзены галоўны корпус БДУ. У 1930-я гады заснаваныя біялягічны, хімічны, фізыка-матэматычны, гістарычны, геаграфічны ды філялягічны факультэты. У гэты ж час навуковая праца значна прыгнечаная сталінскімі рэпрэсіямі. Арыштаваны першы і шэраг наступных рэктараў унівэрсытэту.
У 1941 годзе з-за пачатку вайны заняткі ва ўнівэрсытэце спыніліся. Адноўленыя толькі ў кастрычніку 1943 году на станцыі Сходня пад Масквой. Бібліятэчны фонд пад час вайны амаль цалкам згублены. Вывезеная толькі дзясятая частка кніг. З вызваленьнем Менску праца ўнівэрсытэту адноўленая. Пачынаецца адбудова і аднаўленьне страчанай матэрыяльна-тэхнічнай базы, паступова набываецца абсталяваньне.
У 1957 годзе рэктарам БДУ прызначаны Акадэмік АН БССР Антон Мікіфаравіч Сеўчанка. У 1958 годзе ён разьдзяліў фізыка-матэматычны факультэт на два: фізычны ды мэханіка-матэматычны. Пабудаваны новы галоўны корпус БДУ. У 1967 годзе БДУ ўзнагароджаны ордэнам Працоўнага Чырвонага знамені. У 1971 годзе заснаваны НДІ Прыкладных фізычных праблемаў пры БДУ. 1978 год: адчынены НДІ фізыка-хімічных праблемаў. 1986 год: адчынены НДІ ядзерных праблемаў, дырэктарам якога стаў прафэсар Уладзімер Барышэўскі. 1 верасьня 1989 году быў адчынены філязофска-эканамічны факультэт. З 1996 па 2003 год рэктарам быў Аляксандар Казулін. Ад 21 кастрычніка 2008 году рэктарам унівэрсытэту зьяўляецца прафэсар Сяргей Абламейка.
[рэдагаваць] Склад
[рэдагаваць] Факультэты
- Біялягічны факультэт
- Геаграфічны факультэт
- Гістарычны факультэт
- Гуманiтарны факультэт
- Мэханіка-матэматычны факультэт
- Факультэт дапасавальнай матэматыкі і інфарматыкі
- Факультэт міжнародных зносін
- Факультэт радыёфізыкі і кампутарных тэхналёгіяў
- Інстытут журналістыкі
- Факультэт філязофіі і сацыяльных навук
- Філялягічны факультэт
- Фізычны факультэт
- Хімічны факультэт
- Эканамічны факультэт
- Юрыдычны факультэт
- Факультэт даўнівэрсытэцкай адукацыі для беларускіх і замежных грамадзян
- Падрыхтоўчы факультэт па навучаньні замежных грамадзян
- Факультэт перападрыхтоўкі кадраў па мэнэджмэнце тэхналёгіяў
- Факультэт падвышэньня кваліфікацыі па дапасавальнай матэматыцы і ЭВМ
- Спэцфакультэт бізнэсу і інфармацыйных тэхналёгіяў
- Інстытут бізнэсу і мэнэджмэнту тэхналёгіяў БДУ
[рэдагаваць] Упраўленьні
[рэдагаваць] Філіялы
[рэдагаваць] Працаўнікі
[рэдагаваць] Творчыя калектывы
[рэдагаваць] Выбітныя выпускнікі
- Алесь Адамовіч - беларускі пісьменьнік, крытык, літаратуразнавец, грамадзкі дзяяч.
- Васіль Цімафеевіч Якавенка — беларускі пісьменьнік.
- Валянтына Чапко — выбітны беларускі гісторык, доктар гістарычных навук, прафэсар.
- Міхась Гурын — выбітны беларускі гісторык і археоляг, доктар гістарычных навук, прафэсар.
- Уладзімер Лемяшонак — беларускі гісторык.
- Казімір Равяка — беларускі гісторык-антыказнаўца.
- Станіслаў Рудовіч — беларускі гісторык.
[рэдагаваць] Вонкавыя спасылкі
Беларускі дзяржаўны ўнівэрсытэт — сховішча мультымэдыйных матэрыялаў
Факультэты:
 |
Гэта — накід артыкула па адукацыі. Вы можаце дапамагчы Вікіпэдыі, пашырыўшы яго. |
