Беларускі дзяржаўны ўнівэрсытэт інфарматыкі і радыёэлектронікі
| Беларускі дзяржаўны ўнівэрсытэт інфарматыкі і радыёэлектронікі | |
 |
|
| Дэвіз | БДУІР — веды і стыль жыцьця |
|---|---|
| Заснаваны | 15 сакавіка 1964 (48 гадоў таму) |
| Тып | урадавы |
| Рэктар | Міхаіл Паўлавіч Батура |
| Факультэтаў | 10 |
| Колькасьць студэнтаў | 15 000 |
| Месцазнаходжаньне | |
| Горад | Менск |
| Краіна | Беларусь |
| Былыя назвы | Менскі радыётэхнічны інстытут |
| Міністэрства адукацыі Рэспублікі Беларусь | |
| Вэб-сайт | http://www.bsuir.by/ |
Беларускі дзяржаўны ўнівэрсытэт інфарматыкі і радыёэлектронікі (да 1993 г. — Менскі радыётэхнічны інстытут, МРТІ) — вядучая навучальная ўстанова па падрыхтоўцы інжынэрных і навуковых кадраў у вобласьці інфарматыкі і радыёэлектронікі.
Зьмест |
[рэдагаваць] Мінуўшчына
Заснаваны 15 сакавіка 1964 году пад назвай Менскі радыётэхнічны інстытут (МРТІ). У 1993 годзе пастановай Савету міністраў Рэспублікі Беларусь пераўтвораны ў Беларускі дзяржаўны ўнівэрсытэт інфарматыкі і радыёэлектронікі.
[рэдагаваць] Дзейнасьць
У цяперашні час унівэрсытэт рыхтуе інжынэрныя кадры па двух напрамках адукацыі, 30 спэцыяльнасьцях і 25 спэцыялізацыях у вобласьці вылічальнай тэхнікі, праграмнага забесьпячэньня інфармацыйных тэхналёгій, інфарматыкі, інфармацыйнага забесьпячэньня аўтаматызаваных сыстэм, штучнага інтэлекту, аўтаматычнага кіраваньня, радыётэхнікі, радыёэлектронных сыстэм, мікраэлектронікі, тэлекамунікацый, праектаваньня радыёэлектронных і электронна-вылічальных сродкаў, электроннага апаратабудаваньня, мэдыцынскай электронікі, тэхнічных сродкаў бясьпекі, мэтралёгіі, стандартызацыі і сэртыфікацыі, эканомікі. На 10 факультэтах і 35 катэдрах па дзённай, вячэрняй, завочнай і дыстанцыйнай формах навучаньня займаецца больш за 15 тысяч студэнтаў, у тым ліку каля 350 — з краін далёкага і блізкага замежжа. У 2001 г. адчынена магістратура, зараз вядзецца падрыхтоўка магістраў па 27 спэцыяльнасьцях БДУІР. Падрыхтоўка навуковых кадраў вышэйшай кваліфікацыі для рэспублікі і іншых краін праводзіцца ў асьпірантуры і дактарантуры. Працуюць шэсьць доктарскіх саветаў па абароне дысэртацый, якія ахопліваюць 13 тэхнічных і 2 фізіка-матэматычныя спэцыяльнасьці.
[рэдагаваць] Факультэты і іншыя падразьдзяленьні
- Факультэт кампьютарнага праектаваньня (ФКП)
- Факультэт інфармацыйных тэхналёгіяў і кіраваньня (ФІТК)
- Факультэт радыётэхнікі і электронікі (ФРЭ)
- Факультэт кампутарных сыстэмаў і сетак (ФКСіС)
- Факультэт телекамунікацыяў (ФТК)
- Інжынэрна-эканамічны факультэт (ІЭФ)
- Факультэт завочнага навучаньня (ФЗН)
- Факультэт бесьперапыннага і дыстанцыйнага навучаньня (ФБіДН)
- Факультэт даўнівэрсытэцкай падрыхтоўкі і прафэсійнай арыентацыі (ФДПіПА)
- Ваенны факультэт (ВФ)
- Інстытут павышэньня кваліфікацыі і перападрыхтоўкі кадраў «Інстытут інфармацыйных тэхналёгіяў» (ІІТ БДУІР)
- ДУА «Ліцэй №1 г. Мінска» пры БДУІР
[рэдагаваць] Выбітныя выкладчыкі
- Уладзімер Лемяшонак - беларускі гісторык, доктар гістарычных навук, прафэсар.
[рэдагаваць] Вонкавыя спасылкі
- Афіцыйная бачына БДУІР(рас.)
bsuir_by — Суполка БДУІР у LiveJournal
 |
Гэта — накід артыкула па адукацыі. Вы можаце дапамагчы Вікіпэдыі, пашырыўшы яго. |
