Беларускі нацыянальны тэхнічны ўнівэрсытэт
Зьвесткі зь Вікіпэдыі — вольнай энцыкляпэдыі.
| Беларускі нацыянальны тэхнічны ўнівэрсытэт | |
 |
|
| Заснаваны | 10 сьнежня 1920 (92 гады таму) |
|---|---|
| Тып | грамадзкі |
| Рэктар | Барыс Хрусталёў |
| Факультэтаў | 17 |
| Колькасьць пэрсаналу | 2 тысячы (2011) |
| Колькасьць студэнтаў | 35 тысячаў (2012) |
| Колькасьць магістрантаў | 503 (2012) |
| Колькасьць асьпірантаў | 267 (2012) |
| Месцазнаходжаньне | |
| Геаграфічныя каардынаты | 53°55′15″ пн. ш. 27°35′34″ у. д. / 53.92083° пн. ш. 27.59278° у. д.Каардынаты: 53°55′15″ пн. ш. 27°35′34″ у. д. / 53.92083° пн. ш. 27.59278° у. д. |
| Горад | Менск |
| Краіна | Беларусь |
| Кампус | гарадзкі |
| Былыя назвы | Беларускі дзяржаўны політэхнікум (да 1 ліпеня 1922 г.), Беларускі дзяржаўны інстытут сельскай гаспадаркі (да 1933 г.), Беларускі політэхнічны інстытут (да 17 студзеня 1991 г.), Беларуская дзяржаўная політэхнічная акадэмія (да 1 красавіка 2002 г.) |
| Міністэрства адукацыі Рэспублікі Беларусь | |
| Вэб-сайт | www.bntu.by |
|
Беларускі нацыянальны тэхнічны ўнівэрсытэт на мапе Беларусі
 Беларускі нацыянальны тэхнічны ўнівэрсытэт
|
|
Беларускі нацыянальны тэхнічны ўнівэрсытэт — найбуйнейшая паводле колькасьці навучэнцаў унівэрсытэт Беларусі й галоўная вышэйшая навучальная ўстанова інжынэрна-тэхнічнага профілю. На 2011 год меў 68 філіялаў катэдраў на прадпрыемствах[1]. На 2005 год меў 44 навуковыя падразьдзяленьнi[2].
Зьмест |
Гісторыя [рэдагаваць]
1920 — Менская політэхнічная вучэльня ператворана ў Беларускі дзяржаўны політэхнічны інстытут (БДПІ).
1922 — рэарганізаваны ў Беларускі дзяржаўны інстытут сельскай гаспадаркі
1933 — з далучэньнем менскіх энергетычнага, будаўнічага, брыкетнага, хіміка-тэхналягічнага, харчовай прамысловасьці і Горацкага водна-мэліярацыйнага інстытутаў (утвораных у 1930–1931 гг.) створаны Беларускі політэхнічны інстытут[3].
1991 — Беларускі ордэна Працоўнага Чырвонага Сьцягу політэхнічны інстытут ператвораны ў Беларускую дзяржаўную політэхнічную акадэмію (БГПА) (пастановай Савета Міністраў БССР ад 17 красавіка 1991 № 149).
1997 — Беларускай дзяржаўнай політэхнічнай акадэміі наданы статус вядучай інжынэрна-тэхнічнай вучэбнай установы ў нацыянальнай сыстэме адукацыі Рэспублікі Беларусь (Пастанова Савету Міністраў Рэспублікі Беларусь ад 17 студзеня 1997 № 6).
2002 — Беларуская дзяржаўная політэхнічная акадэмія ператворана ў Беларускі нацыянальны тэхнічны ўнівэрсытэт (БНТУ) (указ Прэзыдэнта Рэспублікі Беларусь № 165 ад 1 красавіка 2002 г.).
Факультэты [рэдагаваць]
Унівэрсытэт мае 17 факультэтаў, у тым ліку міжнароднай супрацы, 107 катэдраў, рыхтуе адмыслоўцаў па 89 спэцыяльнасьцях[4]. 14 факультэтаў вядуць таксама завочнае навучаньне. 7 факультэтаў маюць магістратуры.
- Архітэктурны. Заснаваны ў 1970 годзе. Месьціцца ў галоўным корпусе на пр. Незалежнасьці, д. 65. Выпускае архітэктараў, дызайнэраў і рэстаўратараў. У тым ліку рыхтуе магістраў архітэктуры. Ажыцьцяўляе толькі дзённае навучаньне. Мае 6 катэдраў: 1) архітэктура вытворчых аб'ектаў і архітэктурныя канструкцыі, 2) архітэктура жылых і грамадзкіх будынкаў, 3) горадабудаўніцтва, 4) дызайн архітэктурнага асяродзьдзя, 5) малюнак, жывапіс і скульптура, 6) тэорыя(be) і гісторыя архітэктуры.
- Аўтатрактарны. Адчыніўся ў верасьні 1951 году. Знаходзіцца на вул. Я. Коласа, д. 12. Рыхтуе аўтаацэначнікаў, аўтамабілебудаўнікоў, аўтамэханікаў, аўтатэхнікаў, інжынэраў(be) рухавікоў унутранага згараньня, лягістаў, машынабудаўнікоў, рахункаводаў, трактарабудаўнікоў ды эканамістаў. У тым ліку рыхтуе магістраў. Ажыцьцяўляе дзённае ды завочнае навучаньне(en). Мае 10 катэдраў: 1) арганізацыя аўтамабільных перавозак і дарожнага руху, 2) аўтамабілі, 3) ацэначная дзейнасьць на транспарце і ў прамысловасьці, 4) вялікагрузныя аўтамабілі і аўтацягнікі, 5) гідрапнэўмааўтаматыка і гідрапнэўмапрывад, 6) інжынэрная графіка машынабудаўнічага профілю, 7) рухавікі ўнутранага згараньня, 8) тэхнічная эксплюатацыя аўтамабіляў, 9) трактары, 10) эканоміка і лягістыка(en).
- Будаўнічы. Заснаваны ў 1920 годзе. Месьціцца на пр. Незалежнасьці, д. 150. Выпускае інжынэраў будаўнічых вырабаў, мэнэджэраў, цывільных будаўнікоў, эканамістаў ды экспэртаў у нерухомасьці. У тым ліку рыхтуе магістраў тэхнічных навук. Ажыцьцяўляе дзённае ды завочнае навучаньне. Мае 9 катэдраў: 1) арганізацыя будаўніцтва(be) і кіраваньне нерухомасьцю, 2) будаўнічая мэханіка, 3) геатэхніка(en) і экалёгія ў будаўніцтве, 4) жалезабэтонныя(en) і каменныя канструкцыі, 5) інжынэрная графіка будаўнічага профілю, 6) мэталічныя і драўляныя канструкцыі, 7) тэхналёгія будаўнічай вытворчасьці, 8) тэхналёгія бэтона(be) і будаўнічыя матэрыялы(be), 9) эканоміка будаўніцтва.
- Ваенна-тэхнічны. Адчыніўся ў верасьні 1951 году. Знаходзіцца на пр. Незалежнасьці, д. 59. Рыхтуе інжынэраў-будаўнікоў, інжынэраў-мэханікаў, інжынэрных выведнікаў(be), сапёраў(en), танкістаў і эканамістаў-мэнэджэраў. Ажыцьцяўляе дзённае і завочнае навучаньне. Мае 5 катэдраў: 1) арганізацыя фінансавай дзейнасьці войскаў, 2) бранятанкавае ўзбраеньне і тэхніка(be), 3) ваенная аўтамабільная тэхніка, 4) ваенна-інжынэрная падрыхтоўка, 5) тактыка(en) і агульнавайсковая падрыхтоўка.
- Горнай справы і інжынэрнай экалёгіі (да 15 лютага 2007 г. — прыродных рэсурсаў і экалёгіі). Заснаваны ў красавіку 2002 году. Месьціцца на вул. Я. Коласа, д. 14. Выпускае горных інжынэраў, мэханікаў і эколягаў. Ажыцьцяўляе дзённае і завочнае навучаньне. У тым ліку рыхтуе магістраў. Мае 4 катэдры: 1) ангельская мова, 2) горныя машыны, 3) горныя працы, 4) экалёгія.
- Інжынэрна-пэдагагічны. Заснаваны ў 1964 годзе. Месьціцца на вул. Ф. Скарыны, д. 25/3. Выпускае выкладнікаў, інжынэраў і праграмістаў. Ажыцьцяўляе дзённае ды завочнае навучаньне. Мае 4 катэдры: 1) вакуўмная і кампрэсарная тэхніка, 2) прафэсійнае навучаньне і пэдагогіка, 3) псыхалёгія, 4) тэхналёгія і мэтодыка выкладаньня.
- Інфармацыйных тэхналёгіяў і робататэхнікі. Адчыніўся ў студзені 1983 году. Знаходзіцца на вул. Хмяльніцкага, д. 9. Рыхтуе аўтаматызатараў вытворчасьці, інжынэраў робататэхнікі й праграмістаў. Ажыцьцяўляе дзённае і завочнае навучаньне. Мае 6 катэдраў: 1) вышэйшая матэматыка(en), 2) праграмнае забесьпячэньне вылічальнай тэхнікі і аўтаматызаваных сыстэмаў(en), 3) робататэхнічныя(en) сыстэмы, 4) сыстэмы аўтаматызаванага праектаваньня(en), 5) тэхнічная фізыка, 6) электрапрывад(en) і аўтаматызацыя(en) прамысловых установак і тэхналягічных комплексаў.
- Маркетынгу, мэнэджмэнту і прадпрымальніцтва. Заснаваны ў жніўні 1994 году. Месьціцца на пр. Незалежнасьці, д. 59. Выпускае маркетолягаў, прадпрымальнікаў, рэклямнікаў і эканамістаў. Ажыцьцяўляе дзённае і завочнае навучаньне. Мае 5 катэдраў: 1) асновы бізнэсу, 2) гандлёвае і рэклямнае абсталяваньне, 3) маркетынг, 4) міжнародныя эканамічныя дачыненьні, 5) сучасныя эўрапейскія мовы.
- Машынабудаўнічы (да 1954 г. — мэханічны). Адчыніўся ў студзені 1934 году. Знаходзіцца на вул. Хмяльніцкага, д. 9. Рыхтуе аўтаматызатараў вытворчасьці, дыягностыкаў прыладаў, інжынэраў і тэхнолягаў. Ажыцьцяўляе дзённае і завочнае навучаньне. У тым ліку выпускае магістраў. Мае 8 катэдраў: 1) дэталі машынаў, пад'ёмна-транспартныя машыны і мэханізмы(be), 2) інтэлектуальныя сыстэмы, 3) мэталарэзныя станкі(be) і інструмэнты, 4) тэарэтычная мэханіка, 5) тэорыя мэханізмаў і машынаў, 6) тэхналёгія машынабудаваньня(en), 7) супраціў матэрыялаў машынабудаўнічага профілю, 8) эканоміка і арганізацыя машынабудаўнічай вытворчасьці.
- Мэханіка-тэхналягічны. Заснаваны ў 1958 годзе. Месьціцца на вул. Я. Коласа, д. 24. Выпускае зварачнікаў, матэрыялаведаў, мэталюргаў і тэхнолягаў. Ажыцьцяўляе дзённае і завочнае навучаньне. У тым ліку рыхтуе магістраў тэхнічных навук. Мае 5 катэдраў: 1) ахова працы(be), 2) матэрыялазнаўства(en) ў машынабудаваньні, 3) машыны і тэхналёгія апрацоўкі мэталаў(en) ціскам, 4) машыны і тэхналёгія ліцейнай вытворчасьці, 5) мэталюргічныя тэхналёгіі, 6) мэталюргія ліцейных сплаваў, 7) парашковая мэталюргія(en), зварка(be) і тэхналёгія матэрыялаў(en), 8) хімія.
- Прыборабудаўнічы (да 1984 г. — оптыка-мэханічны). Адчыніўся ў студзені 1976 году. Знаходзіцца на вул. Я. Коласа, д. 22. Рыхтуе дыягностыкаў прыладаў, інжынэраў лязэрных прыладаў, кантруктараў, мэнэджэраў, мэтролягаў, нанатэхнолягаў і эканамістаў. Ажыцьцяўляе дзённае і завочнае навучаньне. Мае 8 катэдраў: 1) інжынэрная матэматыка(en), 2) інфармацыйна-вымяральная тэхніка(en) і тэхналёгіі, 3) канструяваньне і вытворчасьць(be) прыбораў, 4) лязэрная(en) тэхніка і тэхналёгія, 5) мікра-і нанатэхніка, 6) стандартызацыя(be), мэтралёгія і інфармацыйныя сыстэмы, 7) эканоміка і кіраваньне навуковымі дасьледаваньнямі, праектаваньнем і вытворчасьцю, 8) экспэрымэнтальная і тэарэтычная фізыка.
- Спартова-тэхнічны. Заснаваны ў 2010 годзе. Месьціцца ў галоўным корпусе. Выпускае інжынэраў спартовай тэхнікі. Ажыцьцяўляе толькі дзённае навучаньне. Мае 3 катэдры: 1) спартовая інжынэрыя(en), 2) спорт, 3) фізычная культура(en).
- Транспартных камунікацыяў (да 2004 г. — гідратэхнічнага і дарожнага будаўніцтва). Адчыніўся ў 1958 годзе. Знаходзіцца на пр. Незалежнасьці, д. 150. Рыхтуе геадэзістаў, дарожных будаўнікаў, інжынэраў і эканамістаў. Ажыцьцяўляе дзённае і завочнае навучаньне. Мае 7 катэдраў: 1) будаўніцтва і эксплюатацыя дарог, 2) будаўнічыя і дарожныя машыны, 3) вышэйшая матэматыка, 4) інжынэрная геадэзія(be), 5) масты і тунэлі, 6) праeктаваньне дарог, 7) супраціў матэрыялаў і тэорыя пругкасьці.
- Тэхналёгіяў кіраваньня і гуманітарызацыі (да 2004 г. — гуманітарнай адукацыі і кіраваньня). Заснаваны ў 2002 годзе. Месьціцца на вул. Я. Коласа, д. 14. Выпускае дызайнэраў, інжынэраў, канструктараў, мытнікаў, мэнэджэраў, мэханікаў, рахункаводаў і эканамістаў. Ажыцьцяўляе дзённае і завочнае навучаньне. У тым ліку рыхтуе магістраў. Мае 10 катэдраў: 1) арганізацыя пакавальнай вытворчасьці, 2) гісторыя, сусьветная і айчынная культура, 3) замежныя мовы, 4) мытная справа, 5) мэнэджмэнт, 6) паліталёгія, сацыялёгія і сацыяльнае кіраваньне, 7) філязофскія вучэньні, 8) эканамічныя тэорыі, 9) эканоміка і права, 10) энэргазахаваньне(en) і аднаўляльныя крыніцы энэргіі.
- Энэргетычнага будаўніцтва. Адчыніўся ў 1986 годзе. Знаходзіцца на пр. Незалежнасьці, д. 150. Рыхтуе водных будаўнікаў і інжынэраў, караблебудаўнікоў, цеплатэхнікаў і эканамістаў. Ажыцьцяўляе дзённае і завочнае навучаньне. Мае 6 катэдраў: 1) ангельская мова, 2) водазабесьпячэньне(en) і водаадвядзеньне, 3) гідратэхнічнае і энэргетычнае будаўніцтва, 4) караблебудаваньне(en) і гідраўліка(en), 5) цеплагазазабесьпячэньне і вэнтыляцыя(en), 6) фізыка.
- Энэргетычны. Заснаваны ў 1920 годзе. Месьціцца на пр. Незалежнасьці, д. 65/2. Выпускае аўтаматызатараў інжынэраў, цеплатэхнікаў, электрыкаў і энэргетыкаў. Ажыцьцяўляе дзённае і завочнае навучаньне. Мае 10 катэдраў: 1) вышэйшая матэматыка, 2) прамысловая цеплаэнергетыка і цеплатэхніка, 3) цеплавыя электрычныя станцыі, 4) эканоміка і арганізацыя энэргетыкі, 5) электразабесьпячэньне, 6) электратэхніка(be) і электроніка, 7) электрычныя сыстэмы, 8) электрычныя станцыі.
| Факультэт | Год заснаваньня | Разьмяшчэньне | Спэцыяльнасьцяў | Катэдраў |
|---|---|---|---|---|
| Архітэктурны | 1970 | Галоўны корпус | 3 | 6 |
| Аўтатрактарны | 1951 | вул. Я. Коласа, д. 12 | 15 | 10 |
| Будаўнічы | 1920 | пр. Незалежнасьці, д. 150 | 5 | 9 |
| Ваенна-тэхнічны | 1964 | пр. Незалежнасьці, д. 59 | 8 | 5 |
| Горнай справы і інжынэрнай экалёгіі | 2002 | вул. Я. Коласа, д. 14 | 5 | 4 |
| Інжынэрна-пэдагагічны | 1964 | вул. Ф. Скарыны, д. 25/3 | 3 | 4 |
| Інфармацыйных тэхналёгіяў і рабататэхнікі | 1984 | вул. Хмяльніцкага, д. 9 | 6 | 6 |
| Маркетынгу, мэнэджмэнту і прадпрымальніцтва | 1994 | пр. Незалежнасьці, д. 67 | 6 | 5 |
| Машынабудаўнічы | 1934 | вул. Хмяльніцкага, д. 9 | 10 | 8 |
| Мэханіка-тэхналягічны | 1958 | вул. Я. Коласа, д. 24 | 10 | 8 |
| Прыборабудаўнічы | 1976 | вул. Я. Коласа, д. 22 | 12 | 8 |
| Спартова-тэхнічны | 2010 | Галоўны корпус | 3 | 3 |
| Транспартных камунікацыяў | 1958 | пр. Незалежнасьці, д. 150 | 5 | 7 |
| Тэхналёгіяў кіраваньня і гуманітарызацыі | 2002 | вул. Я. Коласа, д. 14 | 10 | 10 |
| Энэргетычнага будаўніцтва | 1986 | пр. Незалежнасьці, д. 150 | 7 | 6 |
| Энэргетычны | 1920 | пр. Незалежнасьці, д. 65/2 | 8 | 8 |
Падпарадкаваныя ўстановы [рэдагаваць]
У падпарадкаваньні ўнівэрсытэту знаходзяцца 5 інстытутаў (1. дыстанцыйнай адукацыі, 2. інавацыйных тэхналёгіяў, 3. інтэграваных формаў навучаньня і маніторынгу адукацыі, 4. павышэньня кваліфікацыі і перападрыхтоўкі кадраў ў новых кірунках разьвіцьця тэхнікі, тэхналёгіі й эканомікі, 5. павышэньня кваліфікацыі і перападрыхтоўкі кадраў ў мэнэджмэнце і разьвіцьці пэрсаналу), навукова-тэхналягічны парк «Палітэхнік» і досьледны завод «Палітэхнік», цэнтры навукова-тэхнічнай супрацы з 7 краінамі (Вэнэсуэла, Казахстан, Карэя, Кітай, Латвія, Расея і Сырыя). На 2012 год унівэрсытэт валодаў 12 студэнцкімі гуртажыткамі на 5 тысячаў месцаў[5].
Крыніцы [рэдагаваць]
- ^ Навучальны год 2011-2012: лічбы і факты // Беларускае тэлеграфнае агенцтва, 1 верасьня 2012 г. Праверана 4 сакавіка 2013 г.
- ^ Надзея Нікалаева Будучыня навукова-тэхнічнага прагрэсу — у руках выпускнікоў БНТУ // Зьвязда : Газэта. — 18 лістапада 2005. — № 225 (25557). — ISSN 1990-763x.
- ^ Беларускі нацыянальны тэхнічны ўнівэрсытэт (Менск) // Цэнтральная навуковая бібліятэка імя Якуба Коласа Праверана 27 лютага 2013 г.
- ^ Натальля Марцалева. Беларускі нацыянальны тэхнічны ўнівэрсытэт адзначае 90-годзьдзе // Белтэлерадыёкампанія, 14 студзеня 2011 г. Праверана 27 лютага 2013 г.
- ^ БДУ і БНТУ плянуюць забясьпечыць у гэтым годзе інтэрнатам амаль палову іншагародніх студэнтаў // Беларускае тэлеграфнае агенцтва, 21 жніўня 2012 г. Праверана 27 лютага 2013 г.
Вонкавыя спасылкі [рэдагаваць]
Беларускі нацыянальны тэхнічны ўнівэрсытэт — сховішча мультымэдыйных матэрыялаў
- Каталёг бібліятэкі(рас.)
- Рэпазітар(рас.)
- Блог бібліятэкі(рас.)
- Твітэр бібліятэкі(рас.)
- Студэнцкі партал БНТУ(рас.)
 |
Гэта — накід артыкула па адукацыі. Вы можаце дапамагчы Вікіпэдыі, пашырыўшы яго. |
