Першыя 40 сэкундаў песьні Анжаліка стаяла ў залатой накідцы ў сярэдзіне сцэны. Пасьля словаў «Are you ready now?» яна паказвае рукі то ў левы, то ў правы бок, і адтуль выбягаюць мужчыны і кідаюцца ёй пад ногі. У пачатку першага выкананьня прыпева Анжаліка пайшла наперад, а накідка была сарваная. Пад ёй апынулася доўгая сіняя сукенка. Пасьля фінальнага пройгрышу і перад пачаткам перадапошняга паўтору прыпева таксама была зьнята сукенка, пад якой апынуўся залаты з бліскаўкамі гарнітур. У канцы выступу яна звалілася на сьпіну на рукі танцорам.
.svg){kind=small}