Блэкбэрн Ровэрз

Блэкбэрн Ровэрз
Поўная назва	Blackburn Rovers Football Club
Мянушкі	Валацугі
Заснаваны	5 лістапада 1875
Горад	Блэкбэрн
Стадыён	Івуд Парк Умяшчальнасьць: 31 367
Прэзыдэнт	Джон Ўільямс
Галоўны трэнэр	Стыў Кін
Чэмпіянат	Прэм'ер-Ліга
· 2010—11	15
Хатнія колеры Выязныя колеры

«Блэ́кбэрн Ро́вэрз» (па-ангельску: Blackburn Rovers Football Club) — прафэсійны ангельскі футбольны клюб з гораду Блэкбэрн (Ланкашыр). Быў заснаваны ў 1875 годзе, а ў 1888 годзе стаў адным з клюбаў-заснавальнікаў Футбольнай Лігі. Клюб таксама стаў заснавальнікам Прэм’ер-Лігі ў 1992 годзе й зьяўляееца адным з трох клюбаў, што мелі дачыненьне да стварэньня дзьвюх ангельскіх лігаў (акрамя «Блэкбэрну» гэта рабілі «Астан Віла» й «Эвэртан»). На хатняй арэне «Эвуд Парк» граюць з 1890 году.

У XIX стагодзьдзі клюб некалькі разоў выйграваў кубак Ангельшчыны, але ў наступным стагодзьдзі гэта здарылася толькі аднойчы ў 1928 годзе. Акрамя таго двойчы ў даваеныя гады клюб станавіўся чэмпіёнам Ангельшчыны ў 1912 і 1924 гадох.

У 1992 годзе клюб патрапіў у толькі што створаную Прэм’ер-Лігу пасьля сэзону ў ніжэйшым дывізіёне, дзякуючы ангельскаму бізнэсоўцу Джэку Ўолкэру, што зьяўляўся дырэктарам клюбу на той час. Трэнэрам каманады быў вядомы ў мінулым футбольны гулец Кені Далгліш. У 1995 годзе клюб стаў чэмпіёнам Ангельшчыны, патраціўшы шмат грошай на здабытак такіх гульцоў, як то Элан Шырэр і Крыс Сатан. Але ўжо ў 1999 годзе клюб зноўку трапіў у ніжэйшы дывізіён. Праз два гады, пасьля сьмерці Ўолкэра, клюб вярнуўся ў Прэм’ер-Лігу.

За апошнія 10 гадоў клюб чатыры разы прымаў удзел у Кубку УЭФА, аднойчы як уладальнік кубку Лігі, двойчы як клюб, што заняў шостае месца ў чэмпіянаце Ангельшчыны й аднойчы праз кваліфікацыю Кубка Інтэртота. Дэвізам клюбу зьяўляецца выраз «Arte et labore», што ў перакладзе азначае — «Уменьнем й цяжкай працай».

Гісторыя

19 стагодзьдзе

«Блэкбэрн Ровэрз» быў заснаваны 5 лістапада 1875 году групоўкай выпускнікоў школы Шрусбэры, ініцыятыву якіх падтрымала група забясьпечаных мяшчанаў на сходзе ў гатэлі «Легер». У тым жа годзе, 18 сьнежня, каманда правяла свой першы матч, які завяршыўся нічыёй зь лікам 1:1. У пачатку сваёй гісторыі клюб ня меў уласнага стадыёна й існаваў выключна на грошы заснавальнікаў. Каманда зьмяніла шмат палёў, пакуль у рэшце ня быў пабудаваны «Івуд Парк», на якім «Блэкбэрн» выступае й па сёньняшні дзень, а сам стадыён зьяўляецца найстарэйшай футбольнай арэнай ў Ангельшчыне. З 1878 году клюб выступаў у першынстве Ланкашыру, а ўжо на наступны сэзон каманда ўдзельнічала ў розыгрышы на Кубак Ангельшчыны. У 1882 годзе «Блэкбэрн Ровэрз» дайшлі да фіналу гэтага турніру, але прайгралі клюбу «Олд Ітоніянз» (цікавы факт, што на наступны год за іх адпомсціў іншы клюб з гораду Блэкбэрн, які ўжо ня існуе «Блэкбэрн Алімпік»). Праз два гады, у 1884 годзе, «Блэкбэрн Ровэрз» усё ж такі заваявалі гэты трафэй, а так выйгравалі яго яшчэ два сэзону запар. У 1888 годзе была заснавана Футбольная ліга й «Ровэрз» сталі адным з клюбаў-заснавальнікаў. У пэрыяд з 1890—1891 гады клюб двойчы перамог у першынстве на Кубак Ангельшчыны, але дамагчыся самавітага посьпеху ў чэмпіянаце клюбу было не наканавана да пачатку XX стагодзьдзя.

Склад каманды

На 31 студзеня 2012 году.

№ Пазыцыя Імя Год нараджэньня 1 Бр Пол Робінсан 1979 2 Аб Мічэль Сальгада 1975 3 Аб Мартын Ульсан 1988 4 Аб Крыстафэр Самба 1984 5 Аб Гаэль Жывэ 1981 8 ПА Дэйвід Дан 1979 9 Нап Антані Мадэст (у арэндзе з «Бардо») 1979 10 ПА Маўра Фарміка 1988 11 ПА Вінс Грэльля 1979 12 ПА Мортэн Гамст Пэдэрсэн 1981 13 Бр Марк Бан 1984 14 ПА Радаслаў Петравіч 1989 15 ПА Стывэн Н’Занці 1988 16 Аб Скот Дан 1987 19 Нап Джордан Сьлью 1992

№ Пазыцыя Імя Год нараджэньня 20 Нап Рубэн Рачына 1991 21 ПА Маркус Ульсан 1988 22 Нап Нік Блэкман 1989 23 ПА Дэйвід Хойлет 1990 24 Нап Якубу Аегбэні 1982 25 Нап Дэйвід Гудўільлі 1989 29 ПА Сымон Вукчэвіч 1986 31 Аб Грант Гэнлі 1991 32 Аб Бруно Рыбэйру 1983 33 Аб Джош Морыс 1991 34 Бр Джэйк Кін 1991 35 ПА Джэйсан Лоў 1991 36 ПА Амін Лінганзі 1989 39 Аб Эдам Гэнлі 1994

Дасягненьні

• Чэмпіён Ангельшчыны: 1911—1912⁽¹⁾, 1913—1914⁽¹⁾, 1994—1995⁽²⁾
• Срэбны прызёр чэмпіянату Ангельшчыны: 1993—1994
• Уладальнік кубка Ангельшчыны: 1884, 1885, 1886, 1890, 1891, 1928
• Уладальнік кубка ангельскай лігі: 2002
• Уладальнікі супэркубка Ангельшчыны (па-ангельску: Charity Shield): 1912

Удакладненьні: ⁽¹⁾ Дывізіён 1; ⁽²⁾ Прэм'ер-Ліга

Вонкавыя спасылкі

 Блэкбэрн Ровэрз — сховішча мультымэдыйных матэрыялаў

• Афіцыйны сайт^(анг.)
• Сайт заўзятараў Блэкбэрн Ровэрз^(рас.)