Блёк нацыянальных меньшасьцяў

Блёк Нацыянальных Меньшасьцяў (па-польску: Blok Mniejszości Narodowych, BMN) — палітычнае аб’яднаньне, утворанае нацыянальнымі меншасьцямі 17 жніўня 1922 году пад час выбараў у польскі Сойм міжваеннай Польскай Рэспублікі. Мэтаю БНМ было праведзеньне супольнай выбарчай акцыі і наступнай дзейнасьці ў сойме. Уваходзілі нацыянальныя меншасьці Польшчы — беларусы, украінцы, жыды, немцы і расейцы. Да блёку не далучыліся летувісы, Бунд і частка Паалей-Цыёну. Выбары байкатавалі ўкраінцы Ўсходняй Галіччыны.

Галоўнай мэтаю Блёку было нацыянальнае раўнапраўе.

БНМ існаваў да выбараў 1928 году.

У 1922 годзе (5 лістапада ў сойм, 22 лістапада — у сэнат) БНМ ішоў у выбарчам сьпісе пад № 16, у 1928 (4 сакавіка ў сойм, 11 сакавіка — у сенат) — пад № 18.

Дасягнутыя вынікі

• 1922 — 66 мандатаў (зь іх беларусаў 11 паслоў і 3 сэнатары)
• 1928 — 55 мандатаў (беларусы — 4 паслы і 2 сэнатары)

Беларускія паслы і сэнатары ад БНМ

1922

Пасольскія мандаты

• Антон Аўсянік (акруга № 62 — лідская)
• Сяргей Баран (акруга № 6)
• Павал Валошын — зь ліпеня 1923 замест Каліноўскага
• Уладзімер Каліноўскі (акруга № 5) — да 23 чэрвеня 1923
• Міхаіл Кахановіч (акруга № 61 — наваградская) — да 1924
• Пётр Мятла (акруга № 64 — сьвянцянская)
• Сымон Рак-Міхайлоўскі (акруга № 62 — лідская)
• Васіль Рагуля (акруга № 61 — наваградская)
• Юры Сабалеўскі — з 1924 замест Кахановіча
• Адам Станкевіч (акруга № 64 — сьвянцянская)
• Браніслаў Тарашкевіч (спіс дзяржаўны)
• Сымон Якавюк (акруга № 4)
• Фабіян Ярэміч (акруга № 60 — пінская)

Мандаты сэнатара

• Вячаслаў Багдановіч (Віленскае ваяводства)
• Аляксандар Назарэўскі (Наваградскае ваяводства)
• Аляксандр Уласаў (дзяржаўны сьпіс)

1928

Пасольскія мандаты

• Павал Каруза
• Альбін Стаповіч
• Кастусь Юхневіч
• Фабіян Ярэміч

Мандаты сэнатара

• Вячаслаў Багдановіч
• Васіль Рагуля

Літаратура

• Васіль Рагуля. Успаміны. — Менск: «Бацькаўшчына», 1993.
• Уладзімер Ляхоўскі. Зь дзейнасьці беларускіх парлямэнтарыяў на Гарадзеншчыне ў 1922—1930 гг. // Культура Гродзенскага рэгіёну: праблемы развіцця ва ўмовах поліэтнічнага сумежжа: Зб. навук. прац Т. 2003.