Бракёр

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Бракёр — павераны пасярэднік у гандлі каштоўнымі паперамі за кошт кліента.

Паўнамоцтвы[рэдагаваць | рэдагаваць крыніцу]

Бракёр мае права:

  1. ажыцьцяўляць дамовы аб каштоўных паперах;
  2. загадзя абвяшчаць на біржы ды ў СМІ аб набыцьці або продажы каштоўных папераў кліента;
  3. разьмяшчаць каштоўныя паперы прадпрыемства-выдаўца;
  4. зацьвярджаць ды ўлічваць дамовы аб каштоўных паперах;
  5. рабіць агляд ды прадказаньне стану рынка каштоўных папераў;
  6. даваць парады аб выпуску, разьмяшчэньні, абарачэньні ды ацэньваньні каштоўных папераў;
  7. рабіць вяшчальныя паслугі ўдзельнікам рынка;
  8. весьці рахункі ў каштоўных паперах.

Даручэньне[рэдагаваць | рэдагаваць крыніцу]

У дамове даручэньня бракёру маюць згадвацца:

  1. поўнае найменьне ды месцазнаходжаньне бакоў дамовы;
  2. найменьне, від, катэгорыя ды тып каштоўных папераў;
  3. найменьне прадпрыемства-выдаўца каштоўных папераў;
  4. парадак вызначэньня гранічных дапушчальных для выкананьня дамоваў узроўняў іх цаны ды даходнасьці;
  5. памер, выгляд ды парадак атрыманьня бракёрам узнагароджаньня;
  6. адказнасьць бакоў за парушэньне абавязкаў;
  7. тэрміны, выгляд ды парадак вырашэньня рознагалосьсяў ды апавяшчэньня бракёрам кліента аб выкананьні дамовы.

Абавязкі[рэдагаваць | рэдагаваць крыніцу]

Бракёр абавязаны:

  1. захоўваць у таямніцы зьвесткі аб даручаных дамовах;
  2. патрабаваць ад прадстаўніка кліента пацьверджаньня яго паўнамоцтваў на прадстаўленьне адпаведных зацікаўленасьцяў;
  3. дзеяць на найбольш выгадных для кліента ўмовах;
  4. выконваць даручэньні кліента ў парадку іх паступленьня ў поўнай адпаведнасьці з атрыманымі ад яго ўказаньнямі;
  5. апавясьціць кліента цягам пяці працоўных дзён аб адкліканьні дазволу на пасярэдніцтва;
  6. неадкладна апавяшчаць кліента пра ўзьнікненьне па прычыне дылерства адваротнай залежнасьці сваёй выгады ад атрыманьня выгады кліентам;
  7. надаваць перавагу зьдзяйсьненьню дамоваў аб каштоўных паперах на даручэньне кліента перад уласным дылерствам[1].

Крыніцы[рэдагаваць | рэдагаваць крыніцу]