Браты Грым (фільм)

Браты Грым
The Brothers Grimm
Жанр	прыгоды, фантастыка, казка
Рэжысэр	Тэры Гіліям
Сцэнарыст	Эрэн Кругер
У ролях	Мэт Дэйман, Гіт Лэджэр, Лена Гэдзі, Джонатан Прайс, Пэтэр Стармарэ, Моніка Бэлюччы
Вытворчасьць	Dimension Films, Mosaic Media Group, The Weinstein Company, Metro-Goldwyn-Mayer Pictures
Дата выхаду	2005
Час	118 хвілінаў
Краіна	ЗША
Мова	ангельская
Профіль на IMDb

«Браты Грым» (па-ангельску: The Brothers Grimm) — амэрыканскі прыгодніцкі фільм рэжысэра Тэры Гіліяма, выдадзены ў 2005 паводле сцэнара Эрэна Кругера.

Сюжэт

Да біяграфіяў рэальных нямецкіх зьбіральнікаў фальклёру й сыстэматызатараў нямецкай мовы братоў Вільгельма й Якаба Грым гэты фільм мае толькі ўскоснае дачыненьне, хоць у ім выкарыстаны матывы многіх запісаных імі вядомых казак.

Дзеяньне фільма адбываецца ў пачатку XIX стагодзьдзя ў заходняй частцы Нямеччыны, акупаванай войскамі напалеонаўскай Францыі. Браты Ўіл (анг. Will, па сутнасьці — Вільгельм) Грым (Мэт Дэйман) і Джэйк (анг. Jake, па сутнасьці — Якаб) Грым (Гіт Лэджэр) — дробныя жулікі, якія зарабляюць на жыцьцё выгнаньнем «паскудзьдзя», пры гэтым ролю «паскудзьдзя» гуляюць іхныя памочнікі. Аднак аднойчы яны трапляюць у рукі да францускага генэрала Дэлятомба (Джонатан Прайс), які прымушае іх заняцца выкрыцьцём куды больш маштабнага ашуканскага «чараўніцтва»: у адной вёсцы хтосьці выкрадае дзяўчынак, абстаўляючы выкраданьні як праявы чараўніцтва. Каб браты ня зьбеглі, ён адпраўляе зь імі свайго падручнага — катавальных справаў майстра Кавальдзі (Пэтэр Стармарэ).

У ролях

• Мэт Дэйман — Ўіл (Вільгельм) Грым
• Гіт Лэджэр — Джэйк (Якаб) Грым
• Лена Гідзі — Анджэліка
• Пэтэр Стармарэ — Кавальдзі
• Моніка Бэлюччы — каралева
• Джонатан Прайс — генэрал Дэлятомб
• Макензі Крук — Гідлінк

Цікавыя факты

• Бюджэт фільма склаў 80 млн даляраў ЗША.

Вонкавыя спасылкі

• Вялікі інквізытар на сайце Internet Movie Database ^(анг.)
• Не хадзіце, дзеткі, зь ведзьмамі гуляць. Наша Ніва.