Брно

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Брно
Брно
Brno (znak).svg Flag of Brno.svg
Герб Брна Сьцяг Брна
Плошча: 230 км²
Насельніцтва: 366.661
Паштовы індэкс: 602 00 – 644 00
Геаграфічныя каардынаты: 49°12′ пн. ш. 16°36′ у. д. / 49.2° пн. ш. 16.6° у. д. / 49.2; 16.6Каардынаты: 49°12′ пн. ш. 16°36′ у. д. / 49.2° пн. ш. 16.6° у. д. / 49.2; 16.6
Брно на мапе Чэхіі
Брно
Брно
Брно

Брно (па-чэску: Brno, Аўдыё Cs-Brno.ogg ) — другі па велічыні горад Чэхіі, адміністрацыйны цэнтар Паўднёвамараўскага краю (вобласьці). Горад пабудаваны на сутоку рэк Свраткі і Сьвітавы. Брно зьяўляецца гістарычным цэнтрам Маравіі і найбуйнейшым мараўскім горадам. Горад мае каля 400 тысяч жыхароў.

Брно ёсьць месцам судовай улады Чэхіі, то бок месца базаваньня канстытуцыйнага і вярхоўнага суда Чэхіі, а таксама вышэйшага адміністрацыйнага суда і ўпраўленьня вярхоўнай пракуратуры. Горад таксама зьяўляецца важным адміністрацыйным цэнтрам. Брно таксама зьяўляецца важным цэнтрам вышэйшай адукацыі, то бок у горадзе знаходзяцца 33 факультэты 13 вышэйшых навучальных установаў, у якіх навучаюцца каля 89 тысяч студэнтаў[1].

Выставачны цэнтар Брно зьяўляецца адным з найбуйнейшых выставачных цэнтраў у Эўропе, і займае 23 радок у сьвеце[2]. Комплекс адкрыўся ў 1928 годзе, з гэтага часу ў ім праводзяцца буйныя выставы і кірмашы.

Гісторыя[рэдагаваць | рэдагаваць крыніцу]

Вуліцы Брно
Выгляд на храм Сьвятога Пятра

У канцы XII стагодзьдзя горад стаўся цэнтрам удзельнага княства Пржэмыславічаў. Гэты час горад меўназву Бржаціслаўскі град. У 1243 годзе места атрымала права вольнага імпэрскага гораду, а ў канцы XIII стагодзьдзя Брно ператварылася ў рэзыдэнцыю маркграфаў мараўскіх. З XIV стагодзьдзя пытаньні мясцовага самакіраваньня сталі вырашацца мараўскімі земскімі соймамі, якія праводзіліся ў Брно раз на два гады.

Падчас паўстаньня гусітаў горад застаўся верным каралю. У 1454 годзе, каралём Ладзіславам Постумам, з гораду былі выгнаныя ўсе габрэі. З 1526 па 1918 гады Брно належыў да дынастыі Габсбургаў, у гэтыя часы Брно стаў эканамічным і культурным цэнтрам Маравіі. Горад, як сталіца Маравіі, падтрымала саслоўнае паўстаньне 1619 году. Падчас Трыццацігадовай вайны Брно двойчы, у 1643 і 1645 гадох, быў абложаны швэдзкім войскам. У 1742 годзе, як і швэды, прусы таксама ня мелі посьпеху ў аблозе гораду. У 1777 годзе Брно стаў цэнтрам біскупства. Горад меў важнае абарончае значэньне аж да сярэдзіны XIX стагодзьдзя. У Брно існавала адна з самых вядомых турмаў Аўстра-Вугоршчыны, якая праіснавала да 1858 году.

У 1805 годзе Брно падвергнулася аблозе напалеонаўскіх войскаў. Пасьля перамогі ў бітве пад Аўстэрліцам, Напалеон загадаў зьнішчыць фартыфікацыйныя ўмацаваньні гораду. У выніку гэтага да сёньняшніх дзён засталася толькі адна гарадзкая брама зь сямі, якія былі калісьці.

Эканоміка[рэдагаваць | рэдагаваць крыніцу]

Зараз Брно зьяўляецца адным з галоўных эканамічных цэнтраў Чэхіі. Найважнейшая галіна — цяжкае машынабудаваньне. Разьвіты, таксама, хімічная і паліграфічная прамысловасьць, вытворчасьць станкоў, турбінаў, сельскагаспадарчых машынаў, як то трактарабудаўнічы завод Zetor, і электратэхнічных вырабаў, выпускаюцца і дакладныя прыборы.

Крыніцы[рэдагаваць | рэдагаваць крыніцу]

  1. ^ Brno v číslech. The Statutory City of Brno. 2010. p. 85.
  2. ^ O společnosti Veletrhy Brno. Veletrhy Brno

Вонкавыя спасылкі[рэдагаваць | рэдагаваць крыніцу]

Commons-logo.svg  Брносховішча мультымэдыйных матэрыялаў