Брус Дыкінсан

Брус Дыкінсан
Paul Bruce Dickinson
На канцэрце ў Коста-Рыцы 26 лютага 2008 году
Дата нараджэньня	7 жніўня 1958
Месца нараджэньня	Ўорксоп, Нотынгэмшыр, Ангельшчына
Гады творчасьці	1976 — дагэтуль
Краіна	Ангельшчына
Прафэсіі	музыка, аўтар песень, пілёт
Інструмэнты	вакал
Жанры	гэві-мэтал
Псэўданімы	Air Raid Siren
Гурты	Samson, Iron Maiden, Skunkworks
Лэйблы	EMI Records, Phantom Records
http://www.screamforme.com/

Пол Брус Дыкінсан (па-ангельску: Paul Bruce Dickinson; нарадзіўся 7 жніўня 1958 году, Ўорксоп, Нотынгэмшыр) ― ангельскі рок-музыка, пісьменьнік, спартоўца (фэхтавальшчык), пілёт грамадзянскай авіацыі, радыёвядучы, прадусар, актор, больш за ўсё вядомы як вакаліст гэві-мэталічнага гурту Iron Maiden.

Дыкінсан на пачатку кар’еры паспрабаваў свае сілы ў некалькіх лякальных ангельскіх гуртах, накшталт Styx (1976), Speed (1977—1978) і Shots (напачатку 1979). Пасьля гэтага ён прымкнуў да гард-рок гурта Samson напрыканцы 1979 году, дзе набыў некаторую папулярнасьць. На той час ён выступаў пад мянушкай «Bruce Bruce». У 1981 годзе Брус пакідае Samson і прымыкае да гэві-мэталічнага гурта Iron Maiden па запрашэньні Стыва Гарыса. На наступны год Дыкінсан разам з гуртом выпускае плястынку The Number of the Beast, што адразу набывае плятынавы статус. Пасьля гэтага сьпявак становіцца вядомым на ўвесь сьвет. Гурт выдаў яшчэ колькі альбомаў пакуль у 1993 годзе Брус не пакінуў калектыў.

Пасьля разьвітаньня з Iron Maiden, Дыкінсан вырашыў займацца сольнай кар’ерай і сабраў свой калектыў, названы сваім імём Bruce Dickinson. Гурт граў у стылі гард-року, экспэрыментуючы з рознымі стылямі. Але у 1999 годзе Брус разам з былым калегам Эдрыянам Сьмітам зноўку апынаецца ў складзе Iron Maiden, зь якім не разьвітваецца й на сучасны момант.

Дзяцінства

Пол Брус Дыкінсан нарадзіўся ў маленькім шахтарскім мястэчку Ўорксоп (Нотынгэмшыр). Яго маці Соня працавала ў краме абутку, а яго бацька быў мэханікам у войску. Нараджэньне Дыкінсана падштурхнула іх да шлюбу, бо на той час у Ангельшчыне аборты былі пад забаронай. Напачатку маладым дапамагалі бацькі — дзядуля Бруса працаваў шахтарам. Сваё роднае мястэчка Дыкінсан пазьней адлюстраваў у кампазыцыі «Born In '58» з сольнага альбома Tattooed Millionaire.

Дыкінсан спачатку пайшоў у школу Manton Primary, але калі яму было шэсьць гадоў сям’я пераехала ў Шэфілд, таму Брус быў вымушаны пайсьці ў новую школку Manor Top, якая малому не падабалася. Пасьля шасці месяцаў навучаньня ў школе ў Шэфілдзе бацькі вырашылі аддаць маленькага Бруса ў прыватную школу Sharrow Vale Junior.

Дыскаграфія

Самотнік

• «Tears of the Dragon» (1994)

Вонкавыя спасылкі

 Брус Дыкінсан — сховішча мультымэдыйных матэрыялаў

• Брус Дыкінсан на афіцыйным сайце Iron Maiden ^(анг.)
• Брус Дыкінсан на сайце расейскамоўных фанаў Iron Maiden ^(рас.)