Брытанскія Віргінскія астравы

Брытанскія Віргінскія астравы British Virgin Islands
(Сьцяг) (Герб)
Нацыянальны дэвіз: «Vigilate»
Дзяржаўны гімн «God Save the Queen»
Афіцыйная мова	ангельская
Сталіца	Роўд Таўн
Найбуйнейшы горад	Роўд Таўн
Форма кіраваньня каралева губэрнатар	Брытанская заморская тэрыторыя Лізавета ІІ Дэвід Піры
Плошча  • агульная  • адсотак вады	216-е месца ў сьвеце 153 км² 1,6
Насельніцтва  • агульнае (2005)  • шчыльнасьць	27 000 260/км²
Валюта	Даляр ЗША (USD)
Часавы пас	Q (UTC-4)
Аўтамабільны знак	BVI
Дамэн верхняга ўзроўню	.vg
Тэлефонны код	+1284

Брыта́нскія Віргі́нскія астравы (па-ангельску: British Virgin Islands) — брытанская калёнія ў Цэнтральнай Амэрыцы, у Карыбскім моры. У калёнію ўваходзяць 36 астравоў (зь якіх 11 незаселеныя), якія знаходзяцца ў паўночнай частцы архіпэлягу Віргінскія астравы. Самыя вялікія астравы гэта Тартола — 54км², Анэгада — 39 км², Віргін Горда — 21 км² і Джост Ван Дайк — 8 км².

Агульная плошча калёніі складае 153 км², насельніцтва налічвае 22,6 тыс. чалавек, зь якіх 1/3 жыве ў сталіцы — Роўд Таўне, якая знаходзіцца на высьпе Тартола.

Насельніцтва займаецца сельскай гаспадаркай і рыбнай лоўляй. У апошнія гады разьвіцьцё атрымаў і турызм (астравы наведваюць каля 100 тыс. турыстаў штогод).

Брытанскія Віргінскія астравы зьяўляюцца адным з самых папулярных «падатковых раяў». У 2004 годзе тут было зарэгістравана каля 550 тыс. фірмаў (прыкладна па 24 фірмы на кожнага жыхара астравоў). Гэта складае прыкладна 40% усіх афшорных фірмаў у сьвеце. Прыбытак астравоў ад абслугоўваньня гэтых фірмаў значна перавышае прыбытак ад турызму.

Віргінскія астравы былі адкрытыя ў 1493 годзе Хрыстафорам Калюмбам. У 1648 годзе Тартола была калянізаваная галяндцамі, але ў 1666 годзе яны былі перададзеныя Вялікабрытаніі. У 1866 годзе астравы афіційна атрымалі статус брытанскай калёніі, а з 1967 году атрымалі ўнутраную аўтаномію.

Вонкавыя спасылкі

 Брытанскія Віргінскія астравы — сховішча мультымэдыйных матэрыялаў