Брэтанія

Зьвесткі зь Вікіпэдыі — вольнай энцыкляпэдыі
Гістарычная правінцыя Брэтанія, назвы раёнаў пададзеныя брэтонскаю моваю

Брэтанія, Малая Брытанія, Брэйс (па-брэтонску: Breizh [bʁejs], па-француску: Bretagne [bʁətaɲ], ґалло Bertaèyn) — калісьці незалежнае каралеўства й герцагства, адна з правінцыяў Францыі. Брэтанія ёсьць адной з шасьці кельцкіх краінаў. У мінулым нейкі час яе таксама называлі Малою Брытаніяй.

Традыцыйны сьцяг Брэтаніі (Gwenn-ha-du), колішні сьцяг брэтонскіх нацыяналістаў, цяпер выкарыстоўваецца ў якасьці сьцягу рэгіёну

Гістарычна Брэтанія падзеленая паміж двума сучаснымі рэгіёнамі Францыі. 80% Брэтаніі сталі регіёнам Брэтань, а іншыя 20% дэпартамэнтам Атлянтычная Люара з цэнтрам у Нанце, адной з сталіц герцагства Брэтанія. Гэты дэпартамэнт Атлянтычная Люара разам зь іншымі некалькімі дэпартамэнтамі аб’яднаны ў рэгіён Пэй-дэ-ля-Люар. Праз такі перадзел межаў абмяркоўваецца аб’яднаньне Брэтаніі ў гістарычныя межы. Контраргумэнтамі ёсьць невызначанасьць таго, які лёс чакае дэпартамэнт Пэй-дэ-ля-Люар, які не належыць гістарычнай Брэтаніі, і які горад стане сталіцаю аб’яднанай Брэтаніі.

Брэтанія разьмешчаная на паўвысьпе ў паўночна-ўсходняй Францыі паміж Ля-Маншам на поўначы і Біскайскай затокаю на поўдні. Займае плошчу 34 034 км². Брэтанія падзеленая на 5 дэпартамэнтаў: Фіністэр, Кот-д'Армор, Іль-і-Вілен, Атлянтычная Луара, Марбіян.

На студзень 2006 году насельніцтва Брэтаніі складае 4 300 500 чалавек. 72% у Брэтані, 28% пражываюць у Пэй-де-яа-Луары. Па стане на 2008 год найбольшымі гарадамі зьяўляюцца Нант (283 288 чалавек), Рэн (206 655 чалавек) і Брэст (142 097 чалавек).

Глядзіце таксама[рэдагаваць | рэдагаваць крыніцу]