Бэнтас

Тыповыя прадстаўнікі макрабэнтасу

Бэнтас (ад грэч. Βένθος — глыбіня) — сукупнасьць арганізмаў, якія жывуць на грунце і ў грунце дна вадаёмаў. У акіяналёгіі бэнтас — арганізмы, якія насяляюць марское дно; у прэснаводнай гідрабіялёгіі — арганізмы, якія насяляюць дно кантынэнтальных вадаёмаў і вадацёкаў. Жывёлы, якія адносяцца да бэнтасу, называюцца заабэнтасам, а расьліны — фітабэнтасам. Да бэнтасу адносяцца таксама многія пратысты (напрыклад большасьць фарамініфэраў).