Бэрлінскі мур

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Бэрлінскі мур — былая частка мяжы паміж Заходнім Бэрлінам і Нямецкай Дэмакратычнай Рэспублікай ад 13 жніўня 1961 году па 9 лістапада 1989. Стала адным з самых вядомых сымбаляў Халоднай вайны. Пералезьці праз мур нелегальна ўдалося каля 5000 людзей. За 28 гадоў існаваньня муру памежнікі застрэлілі ў Бэрліне 136 грамадзян НДР.

Гісторыя[рэдагаваць | рэдагаваць крыніцу]

У ноч з 12 на 13 жніўня 1961 году ў Бэрлін увайшлі 40 тысячаў узброеных памежнікаў[1]. Мур узьвялі адначасна з устанаўленьнем памежнага нагляду на загад ураду НДР са згоды СССР дзеля спыненьня выезду жыхароў. За 1945-1961 гады ў Заходні Бэрлін зьехала каля 3 млн чалавек. З боку НДР стварылі памежную паласу з сабакамі і дазорнымі вышкамі, якая праіснавала да разбурэньня муру жыхарамі Бэрліна і ваколіцаў у 1989 годзе.

Культурны аспэкт[рэдагаваць | рэдагаваць крыніцу]

Заходні Бэрлін — канец 80-х

Калі «ўсходні» бок Бэрлінскага муру ад самага пачатку да канца заставаўся жахлівым напамінам адчужэньня, то «заходні» становіцца месцам для працы шматлікіх мастакоў, як прафэсіяналаў так і аматараў. У 1989 кілямэтры Бэрлінскага муру становяцца «выставай» графіці. Пасьля разбурэньня муру яе фрагмэнты хутка ператварыліся ў аб’ект гандлю. Шматлікія яго фрагмэнты былі закупленыя ў ЗША, напрыклад, у карпарацыю Microsoft, у штаб-кватэру ЦРУ і інш.

Будова[рэдагаваць | рэдагаваць крыніцу]

Мур складаўся з бэтону і калючага дроту. Даўжыня ў жылых кварталах горада складала каля 40 кілямэтраў, па ўсім пэрымэтры Заходняга Бэрліну — каля 150 км. Вышыня збудаваньняў вагалася ад 3,4 да 4,2 мэтра[2].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Бэрлінскі мурсховішча мультымэдыйных матэрыялаў