Біл Гэйтс
| Біл Гэйтс | |
| Bill Gates | |
 Біл Гэйтс |
|
| Нарадзіўся | 28 кастрычніка 1955 (56 гадоў) Сіетл, ЗША |
|---|---|
| Грамадзянства | ЗША |
| Навуковая сфэра | інфарматыка, бізнэс |
| Месца працы | Microsoft Corporation |
| Альма-матэр | Гарвардзкі ўнівэрсытэт |
| www.microsoft.com | |
Ўільям Генры Гэйтс ІІІ (па-ангельску: William Henry Gates III, нар. 28 кастрычніка 1955 году ў Сіетле) — амэрыканскі прадпрымальнік, адзін з кіраўнікоў Фонда Біла і Мэлінды Гэйтс. З 1996 да 2007 году быў самым багатым чалавекам на Зямлі па вэрсіі часопіса Форбс. У наш час яго багацьце складае прыкладна 58 млрд даляраў ЗША.
Разам з Полам Аленам зьяўляецца заснавальнікам карпарацыі Microsoft, пасаду прэзыдэнта якой Гэйтс пакінуў у чэрвені 2008 году.
[рэдагаваць] Біяграфія
Біл Гэйтс нарадзіўся ў Сіетле (ЗША), у сям’і адваката Ўільяма Генры Гэйтса ІІ і ўдзельніка савету дырэктараў First Interstate Bank, Pacific Northwest Bell і нацыянальнага савета United Way Мэры Максвэл Гэйтс.
Гэйтс вучыўся ў прывілеяванай школе Сіетлу, дзе атрымаў магчымасьць навучыцца праграмаваньню на мінікампутары, па астатніх прадметах Гэйтс меў невысокія адзнакі. У канцы навучаньня ў пачатковай школе дрэнныя паводзіны Гэйтса ўсхвалявалі бацькоў і настаўнікаў так моцна, што яму давялося наведаць псыхіятра.
У 1973 годзе ён паступіў у Гарвардзкі ўнівэрсытэт, але быў выключаны праз два гады. Пасьля гэтага Гэйтс пачаў займацца выключна стварэньнем праграмнага забесьпячэньня. У гэтым жа годзе сумесна з Аленам Гэйтс заснаваў кампутарную кампанію Micro-Soft, якая потым пачала называцца Microsoft Corporation.
1 студзеня 1994 году Гэйтс ажаніўся з Мэліндай Фрэнч. Яны маюць трох дзяцей — Джэніфэр Катрын, Роры Джона і Фібі Адэль.
У 1998 годзе Біл Гэйтс падаў у адстаўку з пасады прэзыдэнта карпарацыі Microsoft, у 2000 годзе і з пасады галоўнага выканаўчага дырэктара.
2 красавіка 2005 году Міністэрства замежных справаў Вялікабрытаніі абвясьціла аб узнагародзе Гэйтса тытулам Рыцага-Камандора Ордэна Брытанскай імпэрыі за яго ўнёсак у разьвіцьцё брытанскіх прадпрыемстваў і за яго высілкі па зьмяншэньні жабрацтва ў сьвеце.
У 2005 годзе Біл Гэйтс і яго жонка Мэлінда Гэйтс былі абвешчаны людзьмі году амэрыканскім часопісам Time.
З 7 чэрвеня 2007 году Гэйтс атрымаў пасьведчаньне аб сканчэньні Гарвардзкага ўніаэрсытэту.
7 студзеня 2008 году Біл Гэйтс абвясьціў аб сваім намеры сысьці з пасады кіраўніка карпарацыі Microsoft у ліпені 2008 году, заняўшыся выключна дабрачыннасьцю. Сышоўшы з пасады 27 чэрвеня 2008 году Гэйтс застаўся найбуйнейшым акцыянэрам Microsoft (8,7% акцыяў).
[рэдагаваць] Вонкавыя спасылкі
 |
Вікіцытатнік зьмяшчае збор цытатаў, датычных тэмы артыкула: |
Біл Гэйтс — сховішча мультымэдыйных матэрыялаў
