Бітва пры Флерусе (1622)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Эрнст Мансфэльд

Бітва пры Флерусе адбылася 29 жніўня 1622 году.

У той час калі каталіцкае гішпана-баварскае войска займалася паступовай акупацыяй Плятыната, другое гішпанскае войска пад кіраўніцтвам Амбросія Сьпінолы прыступіла да аблогі гораду Бэрген-оп-Зоом, які знаходзіўся каля ракі Шэльдэ. Даведаўшыся аб гэтым войска Мансфэльда і князя Брунсьвіка выйшлі з Эльзасу ў накірунку гішпанскіх Нідэрляндаў. З усходу падыйшло войска Кардобы, каб спыніць пратэстанцкае войска. Пад Флерусам, на паўднёвым захадзе сучаснай Бэльгіі, Кардоба сустрэў войска пратэстантаў. Пратэстанты (аб’яднанае войска Мансфэльда і князя Брунсьвіка налічвала 20 000 жаўнэраў) падыйшлі да гораду 29 верасьня і князь Брунсьвіка з марша атакаваў гішпанскія пазыцыі. Пасьля чатырох няўдалых атак, якія былі адбітыя зь вялікімі стратамі, пятая атака скончылася перамогай і гішпанскія войскі адышлі. Такім чынам цаной цяжкіх страт (паводле некаторых зьвестак князь Брунсьвіка страціў руку) войска пратэстантаў здолела прабіцца да Галяндыі. На пачатку кастрычніка аблога Бэрген-оп-Зоома была зьнятая.