Вадвіч (герб)

Герб «Вадвіч»

Вадвіч (па-польску: Wadwicz) — прыватны шляхецкі герб, якім карысталіся больш 36 родаў Польшчы і Вялікага княства Літоўскага.

Апісаньне

Шчыт вэртыкальна падзелены на 2 часткі. У левым чырвоным полі знаходзіцца срэбная стронга, а ў правым срэбным полі - чырвоная стронга. Клейнод — над прылбіцай з каронай 5 страусавых пёраў.

Гісторыя

Вядомы з сярэдзіны XV стагодзьдзя. Пашыраўся ў Вялікім княстве Літоўскім пасьля Гарадзелькай вуніі 1413 року.

Роды

Адамовічы, Адамкевічы, Адамковічы, Акушковічы, Анґліція, Анцэвічы, Барэйшы, Боскія, Вадвічы, Вандаловічы, Віруловічы, Воўчакі, Вэнславовічы, Вэнслаўскія, Вэнцлавовічы, Вэнцлаўскія, Камянецкія, Ладзяты, Лойбы, Мандыгерты, Мандыгірды, Мантыгерды, Мандыгірдавічы, Манкерскія, Мантыгірдавічы, Матыашэвічы, Монгірды, Мэнжыкі, Надажынскія, Нарушэвічы, Рашкевічы, Роскі, Роскія, Станкевічы, Станкоўскія, Станькоўскія.

Цікавыя факты

Герб зьмяшчаў падскарбі вялікі літоўскі Крыштап Нарушэвіч ў 1618—1631 на манэтах ВКЛ. Двупенязь — 1620, 1621. Шэляг — 1618—1627, грош — 1625—1627, палтарак — 1619,1620, 5 дукатаў -1621, 1622, партугал (10 дукатаў) — 1621, 1622

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 1: Абаленскі — Кадэнцыя. — Мінск: Беларуская Энцыклапедыя, 2005. — 684 с.: іл. ISBN 985-11-0314-4.

Вонкавыя спасылкі

• Herb Wadwicz