Валовічы

Валовічы
Герб «Багорыя»
Краіна паходжаньня	Вялікае Княства Літоўскае

Валовічы (Vałovičy) — беларускі шляхецкі род гербу «Багорыя».

Пачынальнік роду — Ходка (Ходзька, Хведар), які ў першай палове 15 стагодзьдзя жыў у Гарадзенскім павеце. Упершыню Валовічам названы Грынька Ходкавіч у грамаце 1499.

Сьпярша вызнавалі праваслаўе, у 16 стагодзьдзі шмат хто прыняў кальвінізм, аднак у канцы таго ж стагодзьдзя перайшлі ў каталіцтва. Тады ж род падзяліўся на некалькі галінаў, адна зь якіх у 1798—1900 мела графскі тытул (згасла).

Па падзелах Рэчы Паспалітай новыя расейскія ўлады занесьлі галіны роду ў VI і I часткі РК Менскае, Магілёўскае, Гарадзенскае й Ковенскае губэрняў.

Радавод

Ходка (Хведар; ?—?)

1. Грынька (? — пасьля 1503), гараднічы гарадзенскі
   1. Іван (? — пасьля 1547), канюшы троцкі
   2. Лука (?—?), ключнік гарадзенскі
   3. Рыгор (? — пачатак 1586), староста слонімскі, кашталян наваградзкі
   4. Багдан (? — 14 красавіка 1539), войскі гарадзенскі
      1. Астафей (каля 1520—1587), падканцлер вялікі літоўскі; ж. — Фядора Сапяжанка
         1. Рэгіна
      2. Рыгор (?—1577), ваявода смаленскі
         1. Геранім (?—1636), падканцлер вялікі літоўскі; ж. — да 1608 Альжбета з Гаслаўскіх
            1. Тэкля Ганна
         2. Андрэй (?—1614), староста жамойцкі
         3. Павал, староста гарадзенскі

Іншыя вядомыя прадстаўнікі роду:

• Іван, маршалак літоўскі
  • Яўстах Валовіч (?—1630), біскуп віленскі
• Пётар; ж. — ? з Гарадыскіх
  • Уладзіслаў (1615—1668), гетман польны літоўскі; ж. — Ганна з Козел-Паклеўскіх
  • Людвіка
• Вінцэнт Пётар (1670—1737), рэфэрэндар сьвецкі літоўскі
• Марцыян Дамінік, маршалак вялікі літоўскі
• Антоні Эразм (1711—1770), біскуп луцкі
• Андрэй (1750—1822), біскуп каліскі
• Міхал Валовіч (1806—1833), удзельнік нацыянальна-вызвольнага паўстаньня

Галерэя

• Іканаграфія роду Валовічаў
• 

  Яўстах Валовіч

• 

  Геранім Валовіч

• 

  Барбара Валовіч (з Сапегаў)

• 

  Тэкля Ганна Радзівіл (з Валовічаў)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 1: Абаленскі — Кадэнцыя. — Мінск: Беларуская Энцыклапедыя, 2005. — 684 с.: іл. ISBN 985-11-0314-4.
• Энцыклапедыя гісторыі Беларусі. У 6 т. Т. 2: Беліцк — Гімн / Беларус. Энцыкл.; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — 537 с., [8] к.: іл. ISBN 5-85700-142-0.

Вонкавыя спасылкі

 Валовічы — сховішча мультымэдыйных матэрыялаў