Ван Гэлсінг (фільм)

Ван Гэлсінг
Van Helsing
Жанр	містыка
Рэжысэр	Стывэн Сомэрс
Прадусар	Боб Дзюксэй
Сцэнарыст	Стывэн Сомэрс
У ролях	Х'ю Джэкман Кейт Бэкінсэйл Рычард Роксбург
Кампазытар	Алан Сыльвэстры
Апэратар	Ален Дэвю
Вытворчасьць	Universal Pictures
Дата выхаду	2004 год
Час	122 хвілінаў
Краіна	ЗША
Мова	ангельская
Бюджэт	160 млн. $
Профіль на IMDb

«Ван Гэлсінг» (па-ангельску: Van Helsing) — фільм режысэра Стывэна Сомэрса пра паляўнічага на вампіраў Габрыэля Ван Гэлсінга.

У ролях

• Х’ю Джэкман — Габрыэль Ван Гэлсінг
• Кейт Бэкінсэйл — Ганна
• Дэвід Вэнхам — Карл
• Рычард Роксбург — Дракула
• Сэм’юэл Ўэст — Віктар Франкенштейн, навуковец
• Кэвін О’Конар — Ігар (асыстэнт Франкенштайна)
• Сыльвія Калока — Вэрона, старэйшая нявеста Дракулы
• Ўіл Кэмп — Вэлкан, брат Ганны
• Джозы Маран — Марышка, нявеста Дракулы
• Алена Аная — Аліра, нявеста Дракулы
• Шулер Хэнслі — стварэньне Франкенштайна
• Робі Колтрэйн — містэр Хайд

Сюжэт

Дзеяньні фільму адбываюцца ў 1887—1888 гг. Цемра рыхтуецца да Апошняй бітвы. Каб атрымаць перавагу, граф Дракула спрабуе ажывіць сваіх мёртванароджаных дзяцей — новую расу вампіраў. Дзеля гэтага ў гарах Трансыльваніі будуецца лябараторыя. Туды запрашаецца доктар Віктар Франкенштайн, які з дапамогаю электрычнасьці ажыўляе жахлівую пачвару. Гэта пачвара — ключ да ажыўленьня новай расы вампіраў. Але мясцовыя напалоханыя сяляне ўздымаюць бунт і зьнішчаюць лябараторыю.

У гэты час па даручэньні Ватыкана рыцарь Сьвятога Ордэна Ван Гэлсінг зьніштажае розных пачвараў цемры, напрыклад яго «ахвярай» робіцца Містэр Хайд. Наступным заданьнем Ван Гэльсінга становіцца сам Дракула...

Цікавыя факты

• Пачатак фільму супадае з пачаткам фільму «Нявеста Франкенштайна» (1935 год), дзе таксама гарыць вятрак, а стварэньне Франкенштайна ратуецца ў студні.
• Мастаком фільму быў Джэральд Бром.
• Па фільме створана ролевая гульня Ван Гэлсінг: Гадзіна напярэдадні сьвітаньня.