Васка да Гама
.jpg)
Васка да Гама (парт. Vasco da Gama; 1469—1524) — партугальскі дасьледчык, вядомы як першы эўрапеец, які зьдзейсьніў марское вандраваньне ў Індыю.
[рэдагаваць] Біяграфія
Васка да Гама нарадзіўся ў 1469 годзе ў сям’і алкайда горада Сінэш і магістра ордэна Сант’яга Эштэвана да Гамы(1430—-1497). Маці — Ізабэла Содрэ.
Існуе вэрсія, паводле якой кароль Мануэл I першапачаткова даручыў экспэдыцыю ў Індыю бацьку Васка да Гамы, але ў сувязі зь яго сьмерцю ў ліпені 1497 Васка да Гама прыняў камандаваньне экспэдыцыяй на сябе і адправіўся ў шлях зь Лісабона 8 ліпеня 1497 г, абыйшоў Афрыку з поўдня, абмінуўшы мыс Добрай Надзеі, і дасягнуў паўднёва-заходняга берага Індыі 20 траўня 1498 г.
Вярнуўшыся ў Партугалію ў верасьні 1499 году, Васка да Гама быў сустрэты зь вялікай пашанай, атрымаў буйную грашовую ўзнагароду і тытул «Адмірал Індыйскага Акіяна», а таксама тытул Дон і горад Сінэш і Віла-Нова-дэ-Мілфантэш у вотчыну. У 1519 атрымаў тытул графа Відыгейра.
Пазьней яшчэ двойчы быў у Індыі. Памёр у Качыне (Індыя) 24 сьнежня 1524. Прах быў перавезены ў Партугалію і пахаваны ў невялікай царкве Quinta do Carmo у Алентэжу. У 1880 прах быў перанесены у Лісабон.
[рэдагаваць] Цікавыя факты
Падчас аднаго з плаваньняў Васка да Гама вымяняў у афрыканскіх тубыльцаў быка і вырабы з слановай косткі за некалькі чырвоных шапак.
[рэдагаваць] Вонкавыя спасылкі
Васка да Гама — сховішча мультымэдыйных матэрыялаў
