Ведран Чарлука

Ведран Чарлука
Пэрсанальная інфармацыя
Нарадзіўся	5 лютага 1986 (27 гадоў) Модран, СФРЮ
Рост	192 см
Вага	84 кг
Пазыцыя	абаронца
Клюбная інфармацыя
Клюб	Лякаматыў
Нумар	14
Клюбы
Гады	Клюб	Гульні (галы)¹
2003—2007 2004—2005 2007—2008 2008— 2012 2012—	Дынама Загрэб → Інтэр Запрэшыч (арэнда) Манчэстэр Сіці Тотэнгэм Готспур → Баер (арэнда) Лякаматыў	61 (7) 27 (4) 44 (1) 80 (1) 7 (0) 0 (0)
Нацыянальная зборная
2006—	Харватыя	57 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 4 лютага 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 18 чэрвеня 2012.

Ведран Чарлука (па-харвацку: Vedran Ćorluka; 5 лютага 1986, Модран, СФРЮ) — харвацкі футбаліст, абаронца расейскага клюба «Лякаматыў» і нацыянальнай зборнай Харватыі.

Кар’ера

Раньнія гады

Ведран Чарлука ў васьмігадовым узросьце ўступіў у шэрагі школы загрэбскае «Дынама», дзе ў 2003 годзе атрымаў статус прафэсійнага футбаліста й увайшоў у склад асноўнай каманды. У 2004 годзе «Дынама» аддало Чарлуку на павышэньне вопыту ў арэнду сьціпламу «Інтэру» з Запрэшыча, там жа быў і ягоны партнэр па зборнай Лука Модрыч. За «Інтэр» ён правёў 27 матчаў і нават забіў 4 мячы, у тым сэзоне «Інтэр» заваяваў срэбра ў чэмпіянаце Харватыі. Пасьля такога пачатку кар’еры, ён без адмысловай працы замацаваўся ў складзе «Дынама», і ў першым жа сэзоне узяў першае месца ў чэмпіянаце, адыграўшы 31 матч і забіўшы тры мячы. Не замарудзіў сябе чакаць і выклік у асноўную зборную краіны, дзе ён дэбютаваў летам 2006 года. У наступным сэзоне 21-гадовы Ведран разам з клюбам стаў чэмпіёнам Харватыі, уладальнікам кубка й супэркубка краіны, адыграўшы 30 матчаў і забіўшы 4 мячы. Пасьля такіх падзеяў да Чарлукі пачалі прыглядацца замежныя клюбы.

«Манчэстэр Сіці»

У 2007 годзе, за 11,5 млн фунтаў стэрлінгаў Ведран быў падпісаны ангельскім клюбам «Манчэстэр Сіці». У «Сіці» ён заваяваў адразу ж месца ў аснове, у сэзоне 2007—2008 гадоў ён зьяўляўся ў 38 матчах. У пачатку наступнага сэзону, Ведран адыграўшы за гараджанаў 6 матчаў.

«Тотэнгэм Готспур»

У 2008 годзе Чарлука быў набыты «Тотэнгэмам Готспурам» за 12,5 млн фунтаў, дзе зноў узьяднаўся з Модрычам. У першым сэзоне за шпораў ён адгуляў 36 матчаў, і стаў фіналістам Кубка Футбольнай лігі.

«Баер»

31 студзеня 2012 году Чарлука быў аддадзены ў паўгадавую арэнду ў левэркузэнскі «Баер 04».

«Лякаматыў»

27 чэрвеня 2012 года Ведран падпісаў кантракт з маскоўскім «Лякаматывам» на 3 гады. Сума адчэпных першапачаткова складала 7 млн эўра, але пасьля перамоваў, трансфэрны кошт Чарлукі атрымалася збіць да 5,5 млн эўра.

Міжнародная кар’ера

Ведран дэбютаваў у зборнай Харватыі 16 жніўня 2006 году ў таварыскім матчы супраць зборнай Італіі ў італьянскім горадзе Ліворна. Футбаліст выйшаў на замену ў перапынку матчу замест Антэ Серыча й дапамог харватам атрымаць перамогу зь лікам 2:0.

Дасягненьні

Дынама

• Чэмпіён Харватыі (2): 2006, 2007
• Уладальнік Кубка Харватыі: 2007
• Уладальнік Супэркубка Харватыі: 2007

Вонкавыя спасылкі

 Ведран Чарлука — сховішча мультымэдыйных матэрыялаў

• Прафайл на афіцыйным сайце «Барсэлёны»
• Прафайл на сайце weltfussball.de
• Прафайл на сайце transfermarkt.co.uk