Везувій
Зьвесткі зь Вікіпэдыі — вольнай энцыкляпэдыі.
| Везувій | ||
|---|---|---|
 Неапаль і Везувій |
||
| Вышыня: | 1.281 м | |
| Геаграфічная шырата: | 40°49′ пн. ш. | |
| Геаграфічная даўгата: | 14°26′ у. д. | |
| Месцазнаходжаньне: | Італія | |
| Горы: | ||
| Тып: | стратавулкан | |
| Першае пакарэньне: | ||
| Апошняе вывяржэньне: | 1944 | |
Везувій (па-італьянску: Vesuvio, па-лацінску: Vesuvius) — дзеючы вулькан на поўдні Італіі у рэгіёне Кампанія непадалёку ад Неапаля. Вышыня — 1.281 метраў (1944). Адзін з трох дзеючых вульканаў Італіі, адзіны дзеючы вулькан на Эўрапейскім кантыненце. Вядомы тым, што зьнішчыў рымскі горад Пампеі ў 79 годзе. Лічыцца аднім з самых небясьпечных вульканаў свету.
У кратэры і на сьвежых лававых патоках час ад часу вырываюцца вадзяныя пары і газы тэмпэратурай да 400 °C. Лава і туфы у працэсе вывятрэння стварылі пладародны грунт схілаў Везувія. На ніжняй частцы схілаў знаходзяцца фруктовыя сады і вінаграднікі, прыблізна да вышыні 800 метраў — сасновы гай.
Першае дакументальна зафіксаванае вывяржэньне вулькана адбылося 24 жніўня ў 79 годзе н. э.
[рэдагаваць] Авелінскае вывяржэньне каля 1740 года да н.э.
Шэраг новых археалагічных знаходак на сённяшні дзень несумненна сцвярджае факт існавання Авелінскага вывяржэння Везувія. Яно адбылося прыкладна ў 1740 годзе да н.э (± 150 год), дзесьці паміж 1890 і 1590 гадамі да н.э., і праходзіла ў паўночна-заходнім напрамку праз сённяшнія мястэчкі Авеліна Avellino, Нола Nola і вёску Сан Паола Бел Сіта San Paolo Bel Sito. Наваколле Авеліна у адлегласьці 35 кіламетраў ад вулькана было пакрыта 50-сантаметравам слоем пеплу. У непасрэднай блізасьці вулькана таўшчыня пеплавага слою дасягала нават некалькі метраў. У час закладкі фундамэнта новага аўтабана непадалёку ад Авеліна ў 1972 годзе былі знайдзены прадметы керамікі бронзавага перыяду пад узнікшымі ў выніку вывяржэньня вулькана старымі слаямі пеплу.
[рэдагаваць] Іншыя звесткі
На вулкане Везувій Спартак нагалаву разьбіў войска аднаго з легатаў прэтора Варынія, знішчыў войскі двух іншых легатаў, а пасьля гэтага і войска самаго прэтора ў час Трэцяй вайны рабоў.
[рэдагаваць] Вонкавыя спасылкі
Везувій — сховішча мультымэдыйных матэрыялаў
