Вераломная васьмёрка

Зьвесткі зь Вікіпэдыі — вольнай энцыкляпэдыі

«Вераломная васьмёрка»[1] (па-ангельску: The Traitorous Eight) — Джуліюс Бланк, Віктар Грыніч, Юджын Кляйнэр, Джэй Ласт, Гордан Мур, Робэрт Нойс, Шэлдан Робэртс і Жан Эрні — восем фізыкаў і інжынэраў Shockley Semiconductor Laboratory, якія звольніліся з-за канфлікту з Ўільямам Шоклі і стварылі ўласную кампанію, Fairchild Semiconductor. Шоклі назваў тое, што здарылася «здрадай» (па-ангельску: betrayal). Хто першым вымавіў і хто ўвёў у абарот словазлучэньне «вераломная васьмёрка» — так і засталося невядомым.

У 1956 годзе Шоклі набраў каманду таленавітых маладых спэцыялістаў для распрацоўкі й запуску ў вытворчасьць новых паўправадніковых прыбораў. Нобэлеўскі ляўрэат па фізыцы, дасьведчаны дасьледчык і выкладчык не справіўся з кіраваньнем прадпрыемствам. Ён абраў, як аказалася пазьней, беспэрспэктыўную стратэгію й сваімі рукамі стварыў непамяркоўныя ўмовы для супрацоўнікаў. У сакавіку 1957 нязгодныя з дыктатам Шоклі пачалі перамовы аб стварэньні новай, сваёй кампаніі, а ў жніўні заключылі пагадненьне з Шэрманам Фэйрчайлдам. Фармальны разрыў адносінаў адбыўся 18 верасьня 1957 году. Заснаваная «васьмёркай» Fairchild Semiconductor неўзабаве вырасла ў найбуйнейшага вытворца паўправаднікоў, тэхналягічнага лідэра галіны. Fairchild 1960-х стала найважнейшым бізнэс-інкубатарам Крамянёвай даліны, прама ці ўскосна датычным да стварэньня дзясяткаў карпарацыяў — ад AMD да Zilog[2]

Крыніцы[рэдагаваць | рэдагаваць крыніцу]

  1. ^ Пераклад «вераломная васьмёрка» ўжыты, напрыклад, у які выйшаў у 1999 годзе расейскім перакладзе Intel Inside: Andy Grove and the Rise of the World’s Most Powerful Chip Company Ціма Джэксана.
  2. ^ Fairchild’s Offspring