Войцех Манівід
Зьвесткі зь Вікіпэдыі — вольнай энцыкляпэдыі.
Войцех (Альбэрт[1]) Манівід (згадваецца ад 1387/1389 — памёр каля 1422) — літоўскі баярын, староста віленскі (1396—1413), затым ваявода віленскі (1413—1422). На Гарадзельскай уніі прыняў герб Ляліва.
Сын Кайлікіна (Гайлігіна), брат Юрыя Гедыгольда. Быў двойчы жанаты: зь Юліяніяй, дачкой Сьвятаслава Смаленскага, і зь Ядзьвігай. Меў сына Івашку (праўдападобна, у першым шлюбе).
Валодаў шматлікімі вёскамі, у тым ліку Жупранамі.
Вядомыя пячаткі: з 1398 году з надпісам «SIGILL ALBRECI MONEWID» і з 1410 году з надпісам + s. alberti : capit : de : vilna, яшчэ адна з 1419 з гербам Ляліва.
[рэдагаваць] Крыніцы і заўвагі
- ^ Паводле традыцыі імя Альбэрт ужывалася як лацінскі адпаведнік польскага імені Войцех.
[рэдагаваць] Літаратура
- W. Semkowicz. O litewskich rodach bojarskich zbratanych ze szlachtą polską w Horodle r.1413 // Miesięcznik Heraldyczny. Organ Towarzystwa Heraldycznego we Lwowie. R.6 1913 nr11-12 (Ród Moniwida)
