Вольны тэатар

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

«Вольны тэатар» (таксама «Свабодны тэатар») — андэграўндны тэатральны праект беларускіх прафэсійных акцёраў, рэжысёраў, драматургаў, які ўваходзіць у Эўрапейскую тэатральную канвэнцыю.

«Вольны тэатар» быў заснаваны 30 сакавіка 2005 году Мікалаем Халезіным і Натальляй Калядай. У траўні 2005 году ў склад «Вольнага тэатру» увайшоў рэжысэр Уладзімер Шчэрбань.

У Беларусі тэатр ня мае ні сцэны, ні памяшкання для рэпетыцый, ні дзяржаўнай падтрымкі. У Беларусі спектаклі праходзяць пераважна на прыватных кватэрах.

Так, падчас прэм'ернага паказу спэктаклю францускага рэжысэра Крысьціяна Бэнэдэці па п'есе Эдварда Бонда «Адзінаццаць кашуль» у жніўні 2007 году супрацоўнікамі праваахоўных органаў былі затрыманыя ўсе гледачы і акторы «Вольнага тэатру». Халезіна некалькі разоў арыштоўвалі за выступы з крытыкай беларускіх улад.

Спэктаклі «Вольнага тэатру» пабывалі з гастролямі ў Рызе, Маскве, Магілёве, Барысаве, Летуве, Фінляндыі, Польшчы, Нямеччыне і Францыі, Вялікай Брытаніі, ЗША. «ВТ» выступаў на лепшых пляцоўках Эўропы, такіх як Швэцкі каралеўскі тэатар і прымаў удзел у самых прэстыжных эўрапейскіх фэстах - такіх, як Тэатральнае біенале ў Вісбадэне, фэст Эўрапейскай тэатральнай канвэнцыі ў Сэнт-Эцьене. У траўні 2007 году «Вольны тэатар» запрошаны Парыскім тэатрам пад кіраўніцтвам Крысьціяна Бэнэдэці на месячныя гастролі ў Парыж. У пачатку траўня «Вольны тэатар» прымаў ўдзел у фэсьце «Пасаж» у Нансі.

«Вольны тэатр» падтрымліваюць выдатныя творцы сучаснасьці: Том Стопард, Вацлаў Гавел. Нобелеўскі лаўрэат Гаральд Пінтэр яшчэ пры жыцьці даў тэатру права пастаноўкі ўсіх сваіх п'ес. «Свабодны тэатр» уваходзіць у Эўрапейскую тэатральную канвенцыю.

У сьнежні 2010 году Вольны Тэатр паказаў ў адным з найбуйнейшых тэатраў Вялікабрытаніі, лонданскім «Young Vic» 2 спэктаклі - «Спасцігаючы каханьне» і «Лічбы». Удзел у пастаноўцы прынялі знакамітыя брытанскія акторы: Джуд Лоў, Іан Маккелен, Сэмюэль Уэст і іншыя[1].

Удзельнікі тэатра праводзілі неаднаразовыя акцыі пратэсту супраць парушэньняў правоў чалавека ў Беларусі ў Нью-Ёрку і Лёндане.

Пастаноўкі[рэдагаваць | рэдагаваць крыніцу]


Прэыміі[рэдагаваць | рэдагаваць крыніцу]

  • ляўрэатам прэміі Францускай Рэспублікі ў вобласьці абароны правоў чалавека
  • красавік 2008 - у грэчаскіх Салоніках «Свабодны тэатр» атрымаў прэстыжную тэатральную прэмію «Еўропа - тэатру»

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]