Вызваленьне Парыжу

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Вызваленьне Парыжу
Crowds of French patriots line the Champs Elysees-edit2.jpg
Жыхары Парыжу вітаюць хаўрусьнікаў на Элізэйскіх Палёх (26 жніўня 1944 года)
Дата: 19 жніўня25 жніўня 1944
Месца: Парыж, Францыя
Вынік: Перамога хаўрусьнікаў,
скіданьне рэжыму Вішы
Супернікі
Змагарная Францыя,
ЗША,
Гішпанскія Макі
Трэці Райх,
Француская дзяржава

Вызваленьне Парыжу (таксама вядомая як бітва за Парыж) — бітва падчас Другой сусьветнай вайны на Заходнім фронце, якая доўжылася з 19 жніўня 1944 году да капітуляцыі нямецкіх акупацыйных сілаў 25 жніўня таго ж году. Гэтая бітва адзначыла вызваленьне Парыжа й уцёкі ўрада Вішы ў горад Зыгмарынген у Нямеччыне.

Сталічны рэгіён Францыі быў акупаваны нацысцкай Нямеччынай з моманту падпісаньня Другога Камп’енскага замірэньня ў чэрвені 1940 году, калі нямецкае войска акупавала паўночную й паўднёва-заходнюю Францыю й калі быў створаны марыянэткавы рэжым Вішы ў аднайменным горадзе ў цэнтральнай Францыі.

Вызваленьне Парыжу пачалося з паўстаньня францускага Супраціўленьня супраць нямецкага гарнізона ў горадзе. 24 жніўня 1944 году гэтак званыя францускія ўнутраныя сілы (Forces françaises de l’intérieur, FFI) атрымалі падмацаваньне ад сілаў Змагарнай Францыі і ад амэрыканскай арміі пад камандаваньнем генэрала Патана.

Гэтая бітва разглядаецца некаторымі гісторыкамі як апошняя бітва ў бітве за Нармандыю, хоць у рэчаіснасьці яна скончылася разгромам сілаў Вэрмахта амэрыканскай арміяй пад камандаваньнем генэрал-лейтэнанта Джорджа С. Патана й брытанскай арміяй пад камандваньнем фэльдмаршала Мантгомэры ў Фалескай апэрацыі ў заходняй Францыі прыкладна ў той жа час. Вызваленьне Парыжу можна разглядаць як пераходны момант ва ўварваньні войскаў хаўрусьнікаў: ад апэрацыі «Овэрлорд» да пачатку агульнага маштабнага наступу, хоць такога меркаваньня прытрымліваецца меншая частка спэцыялістаў.

Вонкавыя спасылкі[рэдагаваць | рэдагаваць крыніцу]

Commons-logo.svg  Вызваленьне Парыжусховішча мультымэдыйных матэрыялаў