Вялікалуцкі раён

Адміністрацыйна-тэрытарыяльная адзінка
Вялікалуцкі раён Великолукский район
Герб	Сьцяг
Агульныя зьвесткі
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Вялікія Лукі
Дата ўтварэньня	9 верасьня 1927
Насельніцтва	23 400
Плошча	2960 км²
Месцазнаходжаньне Вялікалуцкага раёну
Мэдыя-зьвесткі
Часавы пас	UTC +3
Код аўтам. нумароў	60

Вялікалуцкі раён — адміністрацыйна-тэрытарыяльная адзінка на паўднёвым усходзе Пскоўскай вобласьці Расеі. Адміністрацыйны цэнтар — места Вялікія Лукі.

Геаграфія

Плошча раёну — 2960 км².

Раён мяжуе на ўсходзе з Куньінскім раёнам, на поўдні — з Усьвяцкім, на паўднёвым захадзе — зь Невельскім, на захадзе — з Новасакольніцкім раёнамі Пскоўскай вобласьці; на поўначы і паўночным усходзе — з Цьвярской вобласьцю.

Асноўныя рэкі — Ловаць, Кунья, Насва.

Гісторыя

Раён утвораны 9 верасьня 1927 у складзе Вялікалуцкай акругі Ленінградзкай вобласьці, увабраўшы ў сябе частку земляў Вялікалуцкага і Таропецкага паветаў скасаванай Пскоўскай губэрні. У 1929 перададзены ў склад Заходняй вобласьці з цэнтрам у Смаленску, ад 1935 у складзе Калінінскай вобласьці. У 1944 увайшоў у склад Вялікалуцкай вобласьці, а пасьля яе ліквідацыі ў 1957 — у склад Пскоўскай вобласьці.

Дэмаграфія

Насельніцтва раёну складае 23,4 тыс. чалавек (без райцэнтру), у Вялікіх Луках жывуць каля 98 тыс. Усяго налічваецца 466 населеных пунктаў.

Адміністрацыйна-тэрытарыяльны падзел

У складзе раёну маецца 11 сельскіх паселішчаў:

1. Мар'інскае сельскае паселішча
2. Шалкоўскае сельскае паселішча
3. Перасьлегінскае сельскае паселішча
4. Усьпенскае сельскае паселішча
5. Купуйскае сельскае паселішча
6. Боркаўскае сельскае паселішча
7. Лычоўскае сельскае паселішча
8. Парэцкае сельскае паселішча
9. Горыцкае сельскае паселішча
10. Букроўскае сельскае паселішча
11. Чарпескае сельскае паселішча

Транспарт

Працягласьць аўтамабільных шляхоў раёну — 548 км (зь іх 73 % — з асфальтабэтонным пакрыцьцём). З усходу на захад раён перасякае аўтамагістраль «Балтыя» Масква — Валакаламск — да мяжы з Латвіяй. Па тэрыторыі раёну праходзяць чыгуначныя лініі Масква — Рыга і Балагое-Маскоўскае — Вялікія Лукі — Полацак. Усе чыгункі аднакалейныя і неэлектрыфікаваныя.

Выдатныя мясьціны

• Сядзіба Корвін-Крукоўскіх у в. Палібіна.

Вядомыя асобы

• Соф'я Кавалеўская — правяла дзяцінства ў фамільным маёнтку бацькі ў вёсцы Палібіна.
• Ганна Корвін-Крукоўская (Жаклар) — рэвалюцыянэрка і пісьменьніца — дачка генэрал-лейтэнанта В. Корвін-Крукоўскага (1847—1887). Была замужам за францускім журналістам, рэвалюцыянэрам - блянкістам Віктарам Жакларам. Удзельніца Парыскай камуны 1871.

Вонкавыя спасылкі

• Вялікалуцкі раён на Radzima.org