Віктар Шалкевіч

Віктар Шалкевіч
Віктар Антонавіч Шалкевіч
На канцэрце ў Віцебску, 2010 г.
Дата нараджэньня	9 лютага 1959 (53 гады)
Месца нараджэньня	Поразава, Сьвіслацкі раён, Гарадзенская вобласьць, БССР
Гады творчасьці	1980 — цяпер
Краіна	Беларусь
Прафэсіі	актор, паэт
Інструмэнты	гітара
Жанры	бардаўская песьня
Псэўданімы	Валенцы Едвабкевіч

Ві́ктар Шалке́віч (нарадзіўся 9 лютага 1959 году ў Поразаве Гарадзенскай вобласьці) — беларускі бард, актор, паэт і шоўмэн.

Біяграфія

Скончыў школу ў Поразаве, затым Беларускі дзяржаўны тэатральна-мастацкі інстытут у Менску (у 1980 годзе). Працаваў у Гарадзенскім абласным драматычным тэатры (1980—1987), выкладчыкам у Гарадзенскай культасьветвучэльні (1987—1990). З 1990 году працуе ў тэатры лялек у Горадні.

Творчасьць

Віктар Шалкевіч на канцэрце

Яшчэ ў школе пачаў пісаць і выконваць песьні на беларускай мове. «За частыя сустрэчы зь дзецьмі і папулярызацыю сярод іх ведаў аб тэатры» быў узнагароджаны міжнародным Ордэнам усьмешкі, кавалерамі якога зьяўляюцца Ян Павал II, Астрыд Ліндгрэн, Стывэн Сьпілбэрг і іншыя. Саркастычныя творы гарадзенца станоўча ўспрымаюцца сучасьнікамі як прыклад клясычнага гумару. Шалкевіч зьяўляецца ляўрэатам рэспубліканскіх і міжнародных конкурсаў аўтарскай песьні, у тым ліку «Басовішча-92», «Восень бардаў-93» (Польшча). З канцэртамі выступае ў Беларусі, Летуве, Нямеччыне, Польшчы, Расеі, Украіне, Францыі, Чэхіі. Тэксты песень перакладзены на ангельскую, нямецкую, польскую, украінскую і чэскую мовы.

Альбомы

• Правінцыя (1992)
• Смутны беларускі блюз (1996)
• Балады і рамансы (1998)
• Добрай раніцы (2002)
• За сто крокаў ад Вострае Брамы (2004)
• Гарадзенец прызямліўся ў Менску (2006)
• Enigmatyczne kino Lwow (па-беларуску: Таямнічы кінатэатар Львоў — польскамоўная кружэлка)

Фільмаграфія

• «Плач перапёлкі» (у ролі камэнданта Гуфэльда)
• «Атрад»
• «Сьлёзы блуднага сына» (галоўная роля)
• «Салодкі яд каханьня» (галоўная роля)
• «Тутэйшыя» (у ролі вулічнага музыкі)

Сям’я

З жонкай знаёмы больш за 30 гадоў. Яна пэдагог. Дачцэ 21 год. Яна — будучы гісторык мастацтваў.

Цікавая інфармацыя

Жыцьцё і творчасьць беларускага музыкі поўнае ўсьмешак і цікавостак. Напрыклад, у Празе бард аднойчы граў разам з тамтэйшым сэнатарам Сватаплукам Карасэкам.

Вонкавыя спасылкі

• Форум на Guitar.by
• МЫ, Віктару Шалкевічу — 50
• Народная Воля, Віктар Шалкевiч: Мне нават няёмка з-за таго, што мне 50…