Вікторыя Азаранка
| Вікторыя Азаранка | |
 |
|
| Мянушка: | Аза[Крыніца?] |
|---|---|
| Краіна: | Беларусь |
| Пражывае ў: | Монтэ-Карлё, Манака |
| Нарадзіўся: | 31 ліпеня 1989 (22 гады) Менск, БССР |
| Рост: | 1,8 м |
| Вага: | 66 кг |
| Пачатак кар’еры: | 2003 |
| Працоўная рука: | правая, бэк-хэнд абодвума |
| Прызавыя грошы: | $11 340 357 |
| Адзіночны разрад | |
| Матчаў: | 285–122 |
| Тытулаў: | 10 WTA, 1 ITF |
| Найвышэйшы рэйтынг: | 1 (30 студзеня 2012) |
| Турніры Вялікага шлему | |
| Аўстралія: | пераможца (2012)[1] |
| Францыя: | 1/4 фіналу (2009, 2011) |
| Ўімблдон: | паўфінал (2011) |
| ЗША: | 4 раўнд (2007) |
| Асноўныя турніры | |
| Парны разрад | |
| Матчаў: | 134–51 |
| Тытулаў: | 6 WTA, 3 ITF |
| Найвышэйшы рэйтынг: | 7 (7 ліпеня 2008) |
| Турніры Вялікага шлему | |
| Аўстралія: | фінал (2007) |
| Францыя: | пераможца (2008) |
| Ўімблдон: | 1 раўнд (2007) |
| ЗША: | пераможца (2007) |
| Асноўныя турніры | |
Вікто́рыя Фёдараўна Аза́ранка (нарадзілася 31 ліпеня 1989) — беларуская тэнісістка. Жыве і трэніруецца ў Монтэ-Карлё (Манака). Заслужаны майстар спорту Рэспублікі Беларусь (2010)[2], з 30 студзеня 2012 году першая ракетка сьвету ў адзіночным разрадзе.
Зьмест |
[рэдагаваць] Дасягненьні
[рэдагаваць] Юніёрскі этап
Пераможца Адкрытага чэмпіянату ЗША (2005) у юніёрскім разрадзе. Пераможца юніёрскага (да 18 гадоў) Адкрытага чэмпіянату Аўстраліі ў 2005 годзе ў адзіночным і парным разрадах. У парным разрадзе сярод юніёрак Вікторыя Азаранка таксама перамагла ў Адкрытым чэмпіянаце Францыі ў 2005 годзе (разам з вугоркай Агнэш Савай), і на Ўімбэлдане ў 2004 годзе (разам зь беларускай Вольгай Гаварцовай). На 2005 год у юніёрскім разрадзе Вікторыя Азаранка мела шэсьць тытулаў у адзіночцы (і яшчэ дзесяць у парным разрадзе), зьяўлялася чэмпіёнкай Эўропы ў парным разрадзе сярод 14-гадовых і пераможцай каманднага Кубку Эўропы да 14 і 16 гадоў. У 2005 годзе стала чэмпіёнкай сьвету сярод юніёрак па вэрсіі Міжнароднай тэніснай фэдэрацыі (ITF).
Першы нумар юніёрскага рэйтынгу (2005).
[рэдагаваць] Прафэсійная кар’ера
Пераможца турніраў WTA Tour у адзіночным выступе:
- 2009 — Брысбэйн, Аўстралія
- 2009 — Мэмфіс, ЗША
- 2009 — Маямі, ЗША
- 2010 — Стэнфард, ЗША
- 2010 — Масква, Расея
- 2011 — Люксэмбург, Люксэмбург
- 2011 — Марбэльля, Гішпанія
- 2011 — Маямі, ЗША
- 2012 — Сыднэй, Аўстралія
Пераможца Адкрытага чэмпіянату ЗША (2007) (разам з Максімам Мірным) і Адкрытага чэмпіянату Францыі — 2008 (разам з Бобам Браянам).
Пераможца Адкрытага чэмпіянату Аўстраліі (Мэльбурн, 2012) у адзіночным разрадзе. У выніку гэтай перамогі ўзьнялася на першы радок рэйтынгу WTA.
Найвышэйшае месца ў рэйтынгу WTA (адзіночны выступ) — 1-е (30 студзеня 2012)
Найвышэйшае месца ў рэйтынгу WTA (парны выступ) — 7-е (7 ліпеня 2008).
[рэдагаваць] Дзяржаўныя ўзнагароды
- Ордэн Айчыны III ступені (2012)[3]
[рэдагаваць] Крыніцы
- ^ Виктория Азаренко выиграла Australian Open и стала первой ракеткой мира(рас.)
- ^ Указ Прэзідэнта Рэспублікі Беларусь ад 29 ліпеня 2010 г. № 394 «Аб узнагароджанні дзяржаўнымі ўзнагародамі Рэспублікі Беларусь»
- ^ Указ Президента Республики Беларусь от 28 января 2012 г. № 44 «Аб узнагароджанні В.Ф.Азаранка ордэнам Айчыны III ступені» (1/13270)
[рэдагаваць] Вонкавыя спасылкі
Вікторыя Азаранка — сховішча мультымэдыйных матэрыялаў
