Вільгельм Конрад Рэнтген

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Вільгельм Конрад Рэнтген
Wilhelm Conrad Röntgen
Roentgen2.jpg
Нарадзіўся 27 сакавіка 1845
Ленэп, Каралеўства Прусія, Нямецкі зьвяз
Памёр 10 лютага 1923
Мюнхэн, Ваймарская рэспубліка
Навуковая сфэра фізыка
Альма-матэр Мюнхэнскі ўнівэрсытэт Людвіга-Максыміліяна
Вядомы як адкрывальнік рэнтгенаўскага-выпраменьваньня
Узнагароды і прэміі Nobel prize medal.svg Нобэлеўская прэмія па фізыцы (1901)

Вільгельм Конрад Рэнтген (па-нямецку: Wilhelm Conrad Röntgen; 27 сакавіка 1845 — 10 лютага 1923) — нямецкі фізык. Правёў шмат важных дасьледваньняў па крышталяграфіі і электрадынаміцы. У 1895 годзе адкрыў рэнтгенаўскае выпраменьваньне. Першы ляўрэат Нобэлеўскай прэміі па фізыцы (1901).

Вучыўся ў Вышэйшай тэхнічнай школе ў Цюрыху (1865-1868), атрымаў ступень доктара ў Цюрыхскім унівэрсытэце (1868). Працаваў у розных унівэрсытэтах Нямеччыны. Ад 1896 году чалец-карэспандэнт Берлінскай АН. У 1900-1920 прафэсар Мюнхэнскага ўнівэрсытэта і дырэктар Фізычнага інстытуту. Навуковыя працы па электрамагнетызме, фізіцы крышталёў, оптыцы ды малекулярнай фізыцы. У 1885 годзе выявіў магнітнае поле дыэлектрыка, які рухаецца ў эл. полі (т. зв. рэнтгенаўскі ток), што мела выжнае значэньне для стварэньня электроннай тэорыі. Адкрыў ды дасьледаваў рэнтгенаўскія прамяні, прапанаваў канструкцыю трубкі для артыманьня рэнтгенаўскіх прамянёў і зрабіў першыя рэнтгенаўскія здымкі[1].

Крыніцы[рэдагаваць | рэдагаваць крыніцу]

  1. ^ Рэнтген Вильельм Конрад // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн.: БелЭн., 2002. С. 13-14

Вонкавыя спасылкі[рэдагаваць | рэдагаваць крыніцу]

Commons-logo.svg  Вільгельм Конрад Рэнтгенсховішча мультымэдыйных матэрыялаў