Вільна (штат Нью-Ёрк)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Вільна
анг. Wilna
Дата заснаваньня: 1813
Першыя згадкі: 1813
Гарадзкая акруга з: 1813
Былыя назвы: Carthage village
Мясцовая назва: Wilna
Краіна: ЗША
Штат: Ню-Ёрк
Плошча: 204 км²
Насельніцтва (2010)
колькасьць: 6427 чал.
шчыльнасьць: 31,5 чал./км²
Часавы пас: UTC-5
летні час: UTC-4
Геаграфічныя каардынаты: 44°1′5″ пн. ш. 75°35′49″ з. д. / 44.01806° пн. ш. 75.59694° з. д. / 44.01806; -75.59694Каардынаты: 44°1′5″ пн. ш. 75°35′49″ з. д. / 44.01806° пн. ш. 75.59694° з. д. / 44.01806; -75.59694
Вільна на мапе штату Нью-Ёрк ±
Вільна
Вільна
Вільна
Вільна
Вільна
Вільна
Commons-logo.svg Галерэя здымкаў у Вікісховішчы

Ві́льна — гарадзкая акруга ў графстве Джэфэрсан, штат Ню-Ёрк, Злучаныя Штаты Амэрыкі. Яе насельніцтва складае 6,427 паводле перапісу 2010 году.

Гарадзкая акруга Вільна знаходзіцца ва ўсходняй частцы графства, на ўсход ад Ўотэртаўну.

Гісторыя[рэдагаваць | рэдагаваць крыніцу]

Гэтая акруга ўпершыню была заселеная ў 1798 годзе, на месцы будучай вёскі Картэйдж.

Гарадзкая акруга Вільна была заснаваная ў 1813 годзе з часткі гарадзкой акругі Ле Рэй і часткі зямель гарадзкой акругі Лэйдэн, што належала графству Льюіс. Як называлася акруга пры заснаваньні, цяпер невядома, але лічыцца, што назва «Вільна» паходзіць ад нямецкага вымаўленьня гораду Вільні, і гэтая назва была нададзеная ў гонар захопу войскамі Напалеона Вільні ў 1812 годзе.

Геаграфія[рэдагаваць | рэдагаваць крыніцу]

Згодна зьвестак Амэрыканскага Бюро Перапісаў, гарадзкая акруга мае плошчу 79.6 квадратныя мілі або 206 кв.км, зь якіх 78.9 кв.міляў (204 кв.км) складае суша ды 0.6 кв.мілі (1.6 кв.км) або 0.79% паверхня вадаёмаў.

Рака Блэк Рывэр працякае па паўднёвай частцы акругі, а Індыян Рывэр — па ўсходняй частцы Вільні.

Частка акругі ўваходзіць у вайсковы заказьнік Форт Драм.

Праз тэрыторыю Вільні праходзяць хайвэі штата Ню-Ёрк нумар 3 ды 3А.

Дэмаграфія[рэдагаваць | рэдагаваць крыніцу]

Паводле перапісу 2000 году, у Вільні пражывала 6235 чалавек у 2335 хатніх гаспадарствах і 1639 сем’ях. Плотнасьць насельніцтва, такім чынам, складала 30.5 чалавек на квадратны кілямэтар. На тэрыторыі акругі былі пабудаваныя 2658 жылых пабудоваў, што складала 13 пабудоваў на квадратны кілямэтар. Расавы склад насельніцтва быў наступным: 92.83% былі белыя, 2.92% афраамэрыканцы, 0.72 карэнныя амэрыканцы (індэйцы), 0.91% азіятаў, 0.03 выхадцаў з выспаў Ціхага акіяну, ды 0.85% аднесьлі сябе да іншых расаў, а 1.73% выказалі прыналежнасьць да дзьвюх або болей расаў. Лацінасы (выхадцы з Лацінскай Амэрыкі) склалі 2.1% папуляцыі.

3 2335 хатніх гаспадарстваў у 35.6% былі дзеці маладзейшыя за 18 год, у 53.4% жылі афіцыйна жанатыя пары, 12.6% хатніх гаспадарстваў вялося адзінокімі жанчынамі, а ў 29.8% задэкляравана адсутнасьць сем’яў. 24% гаспадарстваў вялося адзінокімі людзьмі, зь якіх у 10.8% жылі адзінокія людзі старэйшыя за 65 год. Такім чынам, сярэдні памер хатняга гаспадарства склаў 2.61 чалавека, а сярэдні памер сям’і — 3.08 чалавека.

Па ўзросьце насельніцтва Вільні разьмеркавалася наступным чынам: 28.1% маладзейшыя за 18 год, 8.2% ад 18 да 24 год, 29.1% ад 25 да 44 год, 21.6% ад 45 да 64 год, і 13% старэйшых за 65 год. Сярэдні ўзрост насельніцтва склаў 35 год. На 100 жанчынаў у акрузе прыйшлося 95.8 мужчынаў, а на 100 жанчынаў маладзейшых за 18 год было 91.1 іх равесьніка-мужчыны.

Сярэдні гадавы даход хатняга гаспадарства склаў 29,103 даляры ЗША, а сярэдні даход на сям’ю — 35,022 даляры ЗША. Сярэдні даход мужчынаў быў 29,119 даляраў, а жанчынаў — 19,655 даляраў. Валавы ўнутраны прадукт акругі склаў 13,556 даляраў ЗША на аднаго жыхара. 15.7% сем’яў ды 20.4% насельніцтва жыло ніжэй афіцыйна ўсталяванай у ЗША рысы беднасьці, у тым ліку 29.3% дзяцей маладзейшых за 18 год ды 10.6% людзей старэйшых за 65 год.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]