Вінцэнт Жук-Грышкевіч

	Вінцэнт Жук-Грышкевіч
Прэзыдэнт БНР
	1970 — 1982
Папярэднік:	Мікола Абрамчык
Наступнік:	Язэп Сажыч
Асабістыя зьвесткі:
Нарадзіўся:	10 лютага 1903; Будслаў, Вялейскі павет, Віленская губэрня, Расейская імпэрыя
Памёр:	14 лютага 1989 Бэры (Barrie), правінцыя Антарыё, Канада
Нацыянальнасьць:	беларус
Сужэнец:	Раіса Жук-Грышкевіч
Адукацыя:	Праскі ўнівэрсытэт

Вінцэнт Жук-Грышкевіч (10 лютага 1903, в. Будслаў, цяпер Мядзельскі раён — 14 лютага 1989, Бэры (Barrie), Канада) — беларускі грамадзка-палітычны дзяяч, настаўнік.

Вучыўся ў Будслаўскай беларускай гімназіі да яе ліквідацыі, пасьля ў Віленскай беларускай гімназіі, якую скончыў у 1922 годзе. Вышэйшую адукацыю атрымаў у Праскім унівэрсытэце (1926). У 1927—1939 быў настаўнікам Віленскае беларускае гімназіі. Прымаў актыўны ўдзел у грамадзка-нацыянальным жыцьці. У канцы верасьня 1939 быў арыштаваны савецкімі ўладамі, зьняволены ў лягерах. У 1942 як польскі грамадзянін быў вызвалены, ваяваў у арміі генэрала Ўладзіслава Андэрса. Пасьля вайны, з 1950 жыў у Канадзе, актыўна ўдзельнічаў у нацыянальным руху. Быў прэзыдэнтам Рады БНР (1971—1982).

14 верасьня 1953 ажаніўся зь беларускай дзяячкай Раісай з Жукоўскіх. Пахаваны ў штаце Нью-Джэрзі (ЗША) на беларускіх могілках у Іст-Брансўіку.

Літаратура [рэдагаваць]