Гама (літара)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Gamma uc lc

Γ, γ (назва — га́ма[1], па-грэцку: Γάμμα) — 3-я літара грэцкага альфабэту. У сыстэме грэцкага альфабэтнага запісу лікаў мае лікавае значэньне 3. Паходзіць ад фінікійскае літары — Гімел. Ад літары Ґамма паходзяць кірылічныя літары Г, Ґ і лацінскія C, G.

У грэцкім вымаўленьні Гамма чытаецца, як фрыкатыны гук, у старабеларускіх крыніцах літара Гамма у запазычаных словах перадавалася сродкам літары Г. Гэты факт утварае адну з праблемаў беларускага лацінкавага правапісу, бо у большасці эўрапэйскіх моваў літара Гамма перадаецца цераз лацінскую літару G, між тым як фанэтычна больш правільным зьяўляецца звычайнае беларускае фрыкатыўнае Г, якое, аднак, у беларускай лацінцы перадаецца цераз літару "H". Адным з выйсьцяў з гэтай праблемы можа быць ужываньне сучаснай лацінскай фанетычнай транскрыпцыі грэцкай мовы, а менавіта перадаваць літару Гамма у лацінкавым правапісе цераз двузнак Gh.

Крыніцы[рэдагаваць | рэдагаваць крыніцу]

  1. ^ У адпаведнасці з БЭ ў 18 тамах. Т.5., Мн., 1997, С.510: Грэчаскае пісьмо

Commons-logo.svg  Гама (літара)сховішча мультымэдыйных матэрыялаў