Гарадок (гміна)

Адміністрацыйна-тэрытарыяльная адзінка
Гміна Гарадок (Gmina Gródek)
Герб
Агульныя зьвесткі
Краіна	Польшча
Уваходзіць у	Беластоцкі павет
Адміністрацыйны цэнтар	Гарадок
Войт	Веслаў Кулеша (Wiesław Kulesza)
Насельніцтва	5822
Шчыльнасьць	13,5 чал./км²
Плошча	430,6 км²
Месцазнаходжаньне Гміны Гарадок
Мэдыя-зьвесткі
Часавы пас	UTC +1
Тэлефонны код	(+48) 85
Код аўтам. нумароў	BIA
Афіцыйны сайт

Гмі́на Гарадо́к (па-польску: Gmina Gródek) — вясковая гміна ў Сакольскім павеце Падляскага ваяводзтва Польшчы.

Адміністрацыйны цэнтар — вёска Гарадок.

Разьмяшчэньне

Мяжуе з гмінамі Крынкі, Міхалова, Супрасьль, Шудзялова і Заблудаў, а таксама з Рэспублікай Беларусь.

Ураджэнцы

• Кастусь Каліноўскі (1838, Мастаўляны—1864) — нацыянальны герой Беларусі, Летувы і Польшчы, адзін з кіраўнікоў нацыянальна-вызваленчага паўстаньня 1863—1864 гадоў.
• Аляксей Карпюк (1920, Страшава—1992) — беларускі пісьменьнік, грамадзкі дзеяч.
• Лявон Тарасэвіч (нар. 1957, Валілы) - беларускі мастак у Польшчы.

Культурныя падзеі

• Басовішча — штогадовы фэст беларускай альтэрнатыўнай і рок-музыкі.
• "Сяброўская бяседа";
• "Спатканьні абрадавых калектываў" ("Spotkania zespołów obrzędowych");
• "Дні Гарадку" ("Dni Gródka").

Лякальная прэса

• газэта "Wiadomości Gródeckie - Haradockija Nawiny"".

Арганізацыі

• Гарадоцкі цэнтар культуры (Gródecki Ośrodek Kultury)
• Таварыства сяброў Гарадоцкай зямлі (Towarzystwo Przyjaciół Ziemi Gródeckiej)

Помнікі архітэктуры

Гарадок:

• Замкавая гара;
• Праваслаўная царква Нараджэньня Сьвятой Багародзіцы, пабудаваная ў 1946 - 1947 на месцы, дзе хутчэй за ўсё знаходзілася першая ў Гарадку царква, пабудаваная Хадкевічамі ў XV ст.
• Капліца на праваслаўных могілках Заступніцтва Сьвятой Багародзіцы (1862 год), драўляны зруб.
• Рыма-каталіцкі касьцёл Найсьвяцейшага сэрцы Езуса, пабудаваны 1933-1936. Галоўны і бакавыя алтары выкананы ў стылі барока.
• Жыдоўскія могілкі.

а таксама:

• Драўляны двор з канца XVIII ст. ў вёсцы Мялешкі-Калёнія;
• Капліца Сьв. Ганны (каля 1840 г.) ў вёсцы Каралёў Мост;
• Праваслаўная царква Сьв. Ганны (1913-1914 гг.), іканастас паходзіць з царквы ў Горадні, ў вёсцы Каралёў Мост;
• Праваслаўная царква Сьв. Яна Тэоляга (1862 г., разбудаваная ў 1908-1909) ў вёсцы Мастаўляны;
• Грэка-каталіцкая капліца , цяпер праваслаўная могілкавая (канец XVIII ст.) ў вёсцы Мастаўляны;
• Праваслаўная каплічка (каля 1850 г) ў вёсцы Навасёлкі;
• Сядзібны парк (XIX ст.) ў вёсцы Валілы.