Гартс Эдынбург

Гартс
Поўная назва	Heart of Midlothian Football Club
Мянушкі	The Maroons, The Hearts, Hearts, The Jam Tarts, Jambos
Заснаваны	1874
Горад	Эдынбург, Шатляндыя
Стадыён	Тынкасл Умяшчальнасьць: 17 420
Прэзыдэнт	Раман Раманаў
Галоўны трэнэр	Паўлу Сэржыю
Чэмпіянат	Шатляндзкая Прэм’ер-Ліга
· 2010—2011	3 месца
Хатнія колеры Выязныя колеры
Афіцыйны сайт

Гарт оф Мідлётыян (па-ангельску: Heart of Midlothian F.C.) — шатляндзкі футбольны клюб з гораду Эдынбург, прадстаўнік Прэм’ер-Лігі Шатляндыі. Адзін з двух клюбаў гораду, якія прадстаўляюць вышэйшую лігу краіны, другі мае назоў «Гібэрніян».

Хатнія матчы праводзіць на стадыёне «Тынкасл», які месьціцца ў эдынбурскім раёне Горгі. Стадыён зьяўляецца хатняй арэнай з 1886 году й зьмяшчае 17 420 гледачоў.

У 2005 годзе летувіска-расейскі бізнэсоўца й банкір Уладзімер Раманаў выкупіў большую частку правоў на клюб у былога ўладальніка Крыса Робэртсана.

Гісторыя

Найбольш ранішняе згадваньне клюбу пад назовам Heart of Midlothian у спартовым кантэксьце было зроблена ў газэте The Scotsman 20 ліпеня 1864 году, калі каманда The Scotsman і Heart of Midlothian праводзілі гульню ў крыкет. На сёньняшні дзень невядома меў гэты клюб дачыненьне да футбольнага ці не, але ў тыя часу ў Брытаніі шмат клюбаў таксама добра гулялі ў іншых відах спорту.

«Гартс» быў заснаваны ў 1874 году. Па розных меркаваньнях назва была ўзята ад папулярнай невялічкай танцавальнай залі, якая ў сваю чаргу так звалася па вядомым рамане сэра Ўолтэра Скота «Сэрца графства Лётыян» (Heart of Midlothian).

Фарм-клюбы

Наступныя клюбы прымыкаюць да «Гартсу», усе яны ўваходзяць у холдынг Уладзімера Раманава: «Коўна» (Летува), «Партызан» (Беларусь).

Дасягненьні

• Чэмпіён Шатляндыі: 4
  • 1895, 1897, 1958, 1960

• Уладальнікі Кубка Шатляндыі: 7
  • 1891, 1896, 1901, 1906, 1956, 1998, 2006

• Уладальнікі Кубка Лігі Шатляндыі: 4
  • 1955, 1959, 1960, 1963

Склад каманды

Па стане на 23 лютага 2012 году

№ Пазыцыя Імя Год нараджэньня 2 Аб Джэймі Гэміл 1986 3 Аб Дэні Грэйнджэр 1986 4 Нап Крэйг Біці 1984 5 Аб Дэрэн Бар 1985 6 Аб Эндзі Ўэбстэр 1982 7 ПА Суса Сантана 1985 8 ПА Ян Блэк 1985 9 Нап Кевін Кайл 1981 10 Нап Стывэн Эліёт 1984 11 ПА Эндру Драйвэр 1987 12 Нап Дэйвід Тэмплтан 1989 13 ПА Дэйвід Обуа 1984 17 Аб Раян МакГован 1989 18 ПА Арвідас Новікавас 1990 19 ПА Рудзі Скачэл 1979 20 Аб Джэйсан Томсан 1987

№ Пазыцыя Імя Год нараджэньня 21 ПА Мэгдзі Таўіль 1983 22 Аб Гордан Сьміт 1991 23 Нап Гэры Глен 1990 24 Аб Крэйг Томсан 1991 25 Бр Марыян Кела 1982 26 Аб Марыюс Жалюкас (капітан) 1983 27 Нап Скот Робінсан 1992 28 Бр Марк Рыджэрз 1992 30 Бр Джэймі МакДоналд 1986 31 ПА Адрыян Мровец 1983 33 ПА Мэт’ю Парк 1988 34 ПА Дзяніс Прычыненка 1992 43 Нап Дэйвід Сьміт 1993 49 Аб Кевін МакГаці 1993 51 ПА Джэйсан Голт 1993

Вонкавыя спасылкі

 Гартс Эдынбург — сховішча мультымэдыйных матэрыялаў

• Афіцыйны сайт
• Клюбная старонка на BBC
• Навіны клюбу