Глодава

Возера Глодава Краіна Беларусь Плошча 0,35 км² Плошча вадазбору 13,6 км² Максымальная глыбіня 6 м Сярэдняя глыбіня 3,6 м Найбольшая даўжыня 1,6 км Найбольшая шырыня 0,45 км Даўжыня берагавой лініі 4 км Аб’ём вады 1,19 млн. м³ Каардынаты 55°3′19.85″ пн. ш. 26°49′42.70″ у. д.

Месцазнаходжаньне Глодава Глодава

Глодава — возера ў Пастаўскім раёне Віцебскай вобласьці. Разьмешчанае ў 5 км на поўдні ад Паставаў, на ўсход ад вёскі Сімонькі. Належыць да групы Пастаўскіх азёр.

Знаходзіцца ў басэйне ракі Мядзелка. Возера адносіцца да ліку мелкаводных вадаёмаў. Плошча возера складае 0,35 км². Найбольшая глыбіня возера — 6 м, сярэдняя — 3,6 м. Даўжыня Глодава складае 1,6 км, найбольшая шырыня — 0,45 км. Даўжыня берагавой лініі — 4 км. Аб’ём вады ў возеры складае 1,19 м³, плошча вадазбору возера — 13,6 км².

Катлавіна возера выцягнутая з паўночнага захалу на паўднёвы ўсход. Сярэдняя шырыня катлавіны складае 0,22 км. Схілы катлавіны возера маюць вышыню 2—4 мэтраў, на поўдні і ўсходзе — да 10 мэтраў, парослыя хмызьняком і ў верхняй частцы разараныя.

Берагі пераважна нізкія, забалочаныя, зарослыя водна-балотнай расьліннасьцю, але сустракаюцца і высокія, пад хмызьняком. Мелкаводзьдзе вузкае і пяшчанае. Дно возера пераваражна глеістае.

Максымальныя глыбіні знаходзяцца бліжэй да ўсходняга берага. Глыбіні да 2 мэтраў складаюць 23% плошчы возера.

Возера зарастае да глыбіні 3 м. Зарастальнасьць возера невялікая, але найбольш інтэнсіўна зарастае паўночная затока. На поўдні ў возера ўпадае ручай з возера Доўжа, на поўначы з Глодава выцякае ручай у возера Задзеўскае.

У возеры сустракаюцца ляшчы, шчупакі, платва, акуні, чырвонапёрка, карасі, ліны.

Крыніцы

• Блакiтная кнiга Беларусi. — Мн.:БелЭн, 1994.