Гогаль-могаль

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Гогаль-могаль

Гогаль-могаль — дэсэрт, асноўныя кампанэнты якога — узьбітае яйка з цукрам. Існуе мноства варыяцыяў гэтага напою, з даданьнем віна, ваніліну, мёду, сокаў з садавіны й ягад. Часта выкарыстоўваецца як лячэбны сродак пры прастудных захворваньнях і страце голасу.

Назва й паходжаньне[рэдагаваць | рэдагаваць крыніцу]

Слоўнік Макса Фасмэра дае некалькі вэрсіяў паходжаньня назвы напою: ад ангельскага «hug-mug», «hugger-mugger», ад польскага «kogel-mogel», ад нямецкага «Kuddelmuddel» (мешаніна).

Вынаходніцтва кактэйлю адна зь легендаў прыпісвае нямецкаму кандытару Манфрэду Кёкэнбаўэру. Іншая легенда распавядае аб кантары з Магілёва па прозвішчы Гогель, якія страціў голас. Каб вылячыць горла, ён вынайшаў такі рэцэпт. У іншай вэрсіі гэтай самай легенды прысутнічае графіня Браніслава Патоцкая, якая крыху мадэрнізавала рэцэпт, замяніўшы хлеб на мёд, і пераназвала яго з «гогель-могаль» у «гогаль-могаль».