Гордан Браўн
Зьвесткі зь Вікіпэдыі — вольнай энцыкляпэдыі.
 |
|
| 67-ы Прэм'ер-міністар Вялікабрытаніі | |
|---|---|
| з 27 чэрвеня 2007 — цяперашні час | |
| Папярэднік: | Тоні Блэр |
| Асабістыя зьвесткі: | |
| Нарадзіўся: | 20 лютага 1951 (58 гадоў)   Гіфнак |
| Партыя: | Лейбарысцкая партыя Вялікабрытаніі |
Гордан Браўн (па-ангельску: Gordon Brown; нарадзіўся 20 лютага 1951, Гіфнак, Шатляндыя) — брытанскі (шатляндзкі) палітык, лейбарыст, прэм'ер-міністар Вялікабрытаніі з 27 чэрвеня 2007.
Зьмест |
[рэдагаваць] Біяграфія
Нарадзіўся ў сям'і прасьвітэрыянскага пастара.
Сярэдняя адукацыя атрымаў у школе горада Кіркодзі. Скончыў Эдынбурскі унівэрсытэт (з адзнакай), мае навуковыя ступені магістра (1972) і дактара ў вобласьці гісторыі (1982; доктарская праца прысьвечаная гісторыі Лейбарысцкай партыі і палітычных рэформаў у Шатляндыі ў 1918—1929).
З маладых гадоў быў актывістам Лейбарысцкай партыі, пачаўшы ўдзельнічаць у яе дзейнасьці ва ўзросьце 12 гадоў.
У 1970-я за радыкальныя левыя погляды атрымаў мянушку «Чырвоны Горд». Затым эвалюцыянаваў у бок палітычнага цэнтра.
- У 1972—1975 — рэктар Эдынбурскага ўнівэрсытэта (у Шатляндыі рэктар прадстаўляе інтэрасы студэнтаў і абіраецца імі, як правіла, на тры гады; функцыі кіраўніка ўнівэрсытэта выконвае віцэ-канцлер). Пасьля канчатка ўнівэрсытэта працаваў у ім часавым лектарам.
- У 1976—1980 быў выкладчыкам паліталёгіі ў Тэхналягічным каледжы Глазга.
- У 1979 упершыню балатаваўся ў парлямэнт, але прайграў кандыдату ад Кансэрватыўнай партыі.
- У 1980—1983 — карэспандэнт, рэдактар аддзела міжнародных адносін на шатляндзкім тэлебачаньні.
- З 1983 — чалец парлямэнта ад Усходняга Данфэрмлайна.
- У 1983—1984 — старшыня Лейбарысцкай партыі ў Радзе Шатляндыі.
- У 1987—1989 — галоўны сакратар казначэйства Вялікабрытаніі ў «ценявым» кабінэце міністраў.
- У 1989—1992 — міністар гандлю і індустрыі «ценявога» кабінэта міністраў.
- У 1992—1997 — «ценявы» міністар фінансаў (Канцлер казначэйства).
- У траўні 1997 — чэрвені 2007 — міністар фінансаў (Канцлер казначэйства Вялікабрытаніі) у лейбарысцкім урадзе Тоні Блэра (самае доўгае бесьперапыннае знаходжаньне на гэтай пасадзе з 1820-х гадоў). З дзейнасьцю Браўна зьвязваюць эканамічныя посьпехі ўрада ў гэты пэрыяд.
- 24 чэрвеня 2007 без суперніцтва абраны лідэрам Лейбарысцкай партыі замест Тоні Блэра.
- 27 чэрвеня 2007 прызначаны Каралевай Лізабэтай II прэм'ер-міністрам Злучанага Каралеўства.
Мае рэпутацыю ўмеранага эўраскептыка, прыналежыць да сацыял-дэмакратычнага крыла Лейбарысцкай партыі (у адрозьненьне ад сацыял-лібэрала Блэра).
[рэдагаваць] Кабінэт Міністраў Гордана Браўна
- Прэм'ер-міністар Вялікабрытаніі — Гордан Браўн.
- Міністар фінансаў — Алістэр Дарлінг.
- Міністар замежных спраў — Дэвід Мілібанд.
- Міністар юстыцыі і лорд-канцлер — Джэк Стро.
- Міністар унутраных спраў — Джэкі Сміт.
- Міністар абароны і па справах Шатляндыі — Дэс Браўн.
- Міністар аховы здароўя — Алан Джонсан.
- Міністар аховы навакольнага асяродзьдзя, харчаваньня і па пытаньнях сельскагаспадарчага разьвіцьця — Хілары Бэн.
- Міністар па пытаньнях міжнароднага разьвіцьця — Дуглас Александэр.
- Міністар па пытаньнях бізнэсу, прадпрымальніцтва і рэгуляваньню рэформаў — Джон Хатан.
- Міністар працы, па справах пэнсій і па справах Ўэльса — Пітэр Хэйн.
- Міністар транспарта — Рут Кэлі.
- Міністар па справах абшчын і мясцовага самакіраваньня — Хэйзл Блірз.
- Міністар па справах дзяцей, школ і сем'і — Эд Болз.
- Міністар культуры, сродкаў масавай інфармацыі і спорту — Джэймс Парнэл.
- Міністар па справах Паўночнай Ірляндыі — Шон Вудуорт.
- Міністар па справах інавацый, унівэрсытэтаў і кваліфікацыям — Джон Дэнам.
- Лідэр палаты абшчын — Харыет Харман.
- Парлямэнцкі сакратар пры міністэрстве фінансаў — Джэф Хун.
- Міністар пры ўрадавым кабінэце і канцлер герцагства Ланкастэрсткага — Эд Мілібэнд.
[рэдагаваць] Сям'я
Жанаты (з 3 жніўня 2000) на Сары Маколей (Sarah Macaulay). Іх першае дзіця — дачка — памерла ў раньнім дзяцінстве ў 2002. Сын Джон нарадзіўся ў 2003. Другі сын Джэймс Фрэйзэр нарадзіўся 17 ліпеня 2006, а 29 лістапада 2006 было абвешчана аб тым, што яму паставілі дыягназ «фіброзна-кістозная дэгенэрацыя».
[рэдагаваць] Вонкавыя спасылкі
Гордан Браўн — сховішча мультымэдыйных матэрыялаў
- Біяграфія(рас.)
- Біяграфія(рас.)
- Уладзімер Скасыроў. Шатландзкі сфінкс расчыняе сваю таямніцу(рас.) // «Незалежная газэта» 28.05.2007
- Юры Колкер. Гордан Браўн. Скрыпучы паварот руля(рас.) // штотыднёвік «Справа» 21.05.2007
| Папярэднік: Тоні Блэр |
Лідэр Лейбарысцкай партыі Вялікабрытаніі, Прэм'ер-міністар Вялікабрытаніі 2007— |
Пераемнік: — |
| Лідэры G8 | |
|---|---|
 Стывэн Харпэр •  Нікаля Сарказі •  Ангела Мэркель •  Сыльвіё Бэрлюсконі Ясуа Фукуда •  Дзьмітры Мядзьведзеў • Гордан Браўн •  Джордж Буш |
