Граева

Граева
Grajewo
Герб Граева
Першыя згадкі:	1426
Гміна:	Граева
Павет:	Граеўскі
Ваяводзтва:	Падляскае
Мэр:	Адам Кельчэўскі
Плошча:	18,93 км²
Насельніцтва (2008) • колькасьць: • шчыльнасьць:	22309 1178
Часавы пас: • летні час:	UTC+1 UTC+2
Тэлефонны код:	+(48) 86
Паштовы індэкс:	19-200
Аўтамабільны код:	BGR
Геаграфічныя каардынаты:	53°39′ пн. ш. 22°27′ у. д.
Граева на мапе Польшчы Граева
Галерэя здымкаў у Wikimedia Commons
www.grajewo.pl

Гра́ева (па-польску: Grajewo, былая назва — Гра́йва) — места у Падляскім ваяводзтве Польшчы, на рацэ Лык. З 1 студзеня 1999 цэнтар Граеўскага павету, мае статус гміны. З 1975-1998 места прыналежала да Ломжынскага павету. Займае плошчу 18,93 км². Насельніцтва 22 309 чалавек.

Гісторыя

Праваслаўная царква ў Граеве (1910)

• 23 лістапада 1472 — першая згадка пра мястэчка Грайва, маёмасьць Яна з Белавежы.
• 1483 — уладальнік загадаў Мацею пабудаваць адзін млын каля двара, а іншы на рацэ Лык.
• 8 лютага 1478 — заснаваны Касьцёл Сьвятой Тройцы.
• 1483 — Ян з Белавежы пачаў называць сябе Граеўскім. Наступным уладальнікам места быў таксама Ян Граеўскі які меў тры сына: Станіслава, Гераніма і Бартламея.
• 1540 — дзякуючы намаганьням Яна і Якуба Граеўскага Жыгімонт Стары надаў Граеву магдэбурскае права.
• 1692 — места перайшло ў валоданьне Вільчэўскіх.
• 1794 — у ваколіцах места адбыліся бітвы падчас паўстаньня Тадэвуша Касьцюшкі.
• 1863 — падчас паўстаньня Кастуся Каліноўскага каля Граева разыграліся вайсковыя дзеяньні.
• 1864 — места перайшло ў валоданьне Вайчэўскіх.
• 12 сакавіка 1864 — бітва пад Граевам супраць расейскай акупацыі.
• 1869 — у выніку рэпрэсій з боку царскай Расеі, з-за паўстаньня Кастуся Каліноўскага Граева страціла права места і атрымала статус населенага пункта ў складзе гміны Багушы.
• 1873 — пабудавана чыгунка Берасьце-Каралявец.
• 1939 — Граева налічвала 9500 жыхароў.
• 1940—1941 — цэнтар раёну Беластоцкай вобласьці БССР.
• 1941—1944 — пад нямецкай акупацыяй.
• 1944—1945 — цэнтар Граеўскага раёну Беластоцкай вобласьці БССР.
• 16 жніўня 1945 — улады СССР перадалі Граева Польскай Народнай Рэспубліцы.

Транспарт

Празь места праходзіць шэраг аўтамабільных шляхоў:

• № 65 Лык(Элк) — Граева — Беласток
• № 61 Ломжа — Граева — Аўгустоў — Сувалкі

Таксама празь места праходзіць чыгунка Лык(Элк) — Граева — Беласток

Архітэктура

• Драўляныя хаты з (XIX ст.)
• Cтарыя каталіцкія могілкі
• Капліца Вільчэўскіх на могілках (1839)
• Неагатычны Касьцёл Сьвятой Тройцы (1882)
• Прыкасьцёльныя званіцы (1837)
• Будынак чыгуначнага вакзала (1873)
• Дзьве капліцы прыдарожныя (XIX ст.)

Галерэя

Школа ў Граеве

Сад непадалёк ад гатэля

Клюб Hades (былы вайсковы будынак)

• 

  Cтарыя каталіцкія могілкі

• 

  Касьцёл Сьвятой Тройцы 1882

• 

  Цэнтр Граева

• 

  Прыдарожная капліца

• 

  Капліца Вільчэўскіх

• 

  Цэнтральны парк места

• 

  Парк

• 

  Касьцёл знутры

• 

  Каплічка

• 

  Помнік салідарнасьці пры касьцёле

Гарады-сябры

• Лык, Польшча

Глядзіце таксама

• Граеўскі раён БССР
• Падляскае ваяводзтва
• Яцьвягі
• Мазуры
• Вялікае Княства Літоўскае

Вонкавыя спасылкі

 Граева — сховішча мультымэдыйных матэрыялаў

• г. Граева на Radzima.org