Грас

Грас
Grasse
Герб Грасу
Дэпартамэнт:	Прыморскія Альпы
Рэгіён:	Праванс-Альпы-Лазурны бераг
Плошча:	44,44 км²
Вышыня:	333 м н. у. м.
Насельніцтва:	48 200 (2005)
Часавы пас: • летні час:	UTC+1 UTC+2
Геаграфічныя каардынаты:	43°39′22″ пн. ш. 6°55′33″ у. д.
Грас на мапе Францыі Грас
Галерэя здымкаў у Wikimedia Commons
http://www.ville-grasse.fr/

Грас (па-француску: Grasse, па-аксытанску: Grassa) — горад у Францыі, месьціцца ў дэпартамэнце Прыморскія Альпы ў рэгіёне Праванс-Альпы-Лазурны бераг, крыху на поўнач ад Мужэна. Насельніцтва гораду складае 48 200 чалавекі, паводле дадзеных на 2005 год. Грас вядомы сваёй парфумэрнай індустрыяй і як адно зь месцаў, дзе адбываецца дзеяньне рамана «Парфумэр» Патрыка Зюскінда.

Гісторыя

Горад заснаваны ў XI стагодзьдзі. У 1125 годзе стаў рэзыдэнцыяй біскупа Антыбу. У 1155 годзе Грас стаў біскупскім горадам, пачаў адыгрываць важную ролю ў гандлёвых адносінах з Генуяй і Пізай. У 1482 годзе разам з Правансам стаў часткай Францыі. З XVI стагодзьдзя ў Грасе пачала разьвівацца парфумэрная вытворчасьць.

У 1815 годзе Напалеон I Банапарт высадзіўся тут у бухце Гольф-Жуан і з невялікай арміяй пайшоў на Парыж шляхам, які пасьля назавуць дарогай Напалеона. У друкарні Грасу, разьмешчанай у 15 кілямэтрах ад месца высадкі, быў надрукаваны заклік да народа й арміі.

Выбітнасьці

• Нотр-Дам-дзю-Пюі — катэдральны сабор
• Міжнародны музэй парфюмэрыі

Вонкавыя спасылкі

 Грас — сховішча мультымэдыйных матэрыялаў

• Сайт гораду