Грэм Ле Со

Грэм Ле Со
Graeme Le Saux
Пэрсанальная інфармацыя
Нарадзіўся	17 кастрычніка 1968 Джэрсі, Нармандзкія астравы
Рост	178
Пазыцыя	абаронца
Клюбы
Гады	Клюб	Гульні (галы)¹
1989—1993 1993—1997 1997—2003 2003—2005	Чэлсі Блэкбэрн Ровэрз Чэлсі Саўтгэмптан	90 (8) 129 (7) 140 (4) 44 (1)
Нацыянальная зборная
1994—2000	Ангельшчына	36 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі.

Грэм П’ер Ле Со (па-ангельску: Graeme Pierre Le Saux; 17 кастрычніка 1968, выспа Джэрсі, Нармандзкія астравы) — былы ангельскі футбаліст, левы абаронца.

Біяграфія

Нарадзіўся ў 1968 годзе на высьпе Джэрсі ў францускай сям’і. У юнацкія гады выступаў за адзін з астраўных клюбаў, у 1987 быў заўважаны галоўным трэнэрам «Чэлсі» Джонам Холінсам і запрошаны ў каманду. У склад Ле Со патрапіў толькі праз два гады, ужо пры Бобе Кэмпбэле, але хутка стаў гульцом асновы. З прыходам улетку 1991 году на пост галоўнага трэнэра «Чэлсі» Яна Партэрфілда Ле Со стаў атрымліваць менш гульнявой практыкі, а Дэвід Уэб, прызначаны настаўнікам лёнданцаў у лютым 1993 году і зусім ня бачыў Ле Со гульцом свайго клюбу, і ўжо ў сакавіку таго году ён быў прададзены за 700 тысяч фунтаў стэрлінгаў у «Блэкбэрн Ровэрз», які ў наступным сэзоне стаў другім у чэмпіянаце, а яшчэ праз год выйграў чэмпіянат, праўда той сеэон Ле Со па ісьце прапусьціў па прычыне траўмы.

У 1997 годзе, у міжсэзонне, дзякуючы пасрэдніцтву Рууда Гуліта, трэнэра «Чэлсі», Ле Со быў выкуплены за 5 мільёнаў фунтаў стэрлінгаў зваротна. Нягледзячы на перасьледуючыя яго траўмы і нялюбасьць з боку шматлікіх заўзятараў, а таксама партнэраў па камандзе, Ле Со ўспамінае свой другі пэрыяд знаходжаньня ў лёнданскім клюбе як шчасьлівы.

У 2003 годзе Ле Со быў абменены на гульца «Саўтгэмптану» Ўэйна Брыджа. За клюб з паўднёвай Ангельшчыны Ле Со адыграў два сэзоны і абвясьціў аб сваім сыходзе з футболу па заканчэньні сэзону 2004/05, у якім «Саўтгэмптан» пакінуў Прэм’ер-лігу.

За зборную Ангельшчыны Ле Со з 1994 па 2000 гады правёў 36 матчаў. Хатні чэмпіянат Эўропы ў 1996 годзе ён прапусьціў з-за траўмы, затое прысутнічаў у складзе зборнай на чэмпіянаце сьвету ў Францыі ў 1998 годзе, дзе адыграў цалкам усе тры матчы групавой стадыі і выйшаў у стартавым складзе ў матчы 1/8 фіналу супраць зборнай Аргентыны.

Пасьля завяршэньня кар’еры гульца Ле Со працаваў камэнтатарам і экспэртам на радыё, займаўся дабрачыннасьцю, грамадзкімі праектамі. У верасьні 2007 году выйшла яго аўтабіяграфічная кніга.

Дасягненьні

Як гулец «Чэлсі»:

• Кубак ангельскай лігі — 1997/98
• Кубак уладальнікаў кубкаў — 1997/98
• Кубак Ангельшчыны — 1999/2000

Як гулец «Блэкбэрну»:

• Чэмпіён Ангельшчыны — 1994/95

Асабістая інфармацыя

Жанаты, выхоўвае трох дзяцей. Нягледзячы на сямейнае становішча, шматлікія ўспрымалі і ўспрымаюць Ле Со як гамасэксуаліста, што правакавала шматлікія канфлікты, аж да боек. Так, у групавым матчы розыгрышу Лігі чэмпіёнаў 1995/96 супраць «Спартаку» ў Маскве Ле Со проста падчас матчу пабіўся са сваім аднаклюбнікам Дэвідам Бэцьці. Доўгі час лічылася, што Бэцьці тады абазваў Ле Со «педыкам», але ў сваёй кнізе ён аспрэчыў гэтую здагадку.

Вонкавыя спасылкі

• Статыстыка на soccerbase.com
• Сайт прыхільнікаў «Чэлсі». Інтэрвію па чацьвяргах: Грэм Ле Са
• Сайт, прысьвечаны гісторыі чэмпіянатаў сьвету

 Грэм Ле Со — сховішча мультымэдыйных матэрыялаў