Гуам

Зьвесткі зь Вікіпэдыі — вольнай энцыкляпэдыі.

Guåhån
Territory of Guam


(Сьцяг)	(Герб)

Нацыянальны дэвіз: «Where America's Day Begins»

Афіцыйная мова

ангелькая
чамора

Сталіца

Хагатна

Найбуйнейшы горад Дэдэда

Урад

прэзыдэнт
губэрнатар

залежная тэрыторыя
Барак Абама
Фэлікс Пэрэс Камача

Плошча
- Агульная
- Адсотак вады 190-е месца ў сьвеце
541,3 км²
нязначны

Насельніцтва
- Агульнае (2009)
- Шчыльнасьць 181-е месца ў сьвеце
178 000
320/км²

СУП
- Агульны (2000)
- на душу насельніцтва 167-е месца ў сьвеце
$2,5 млрд
$15 000

Валюта Даляр ЗША (USD)

Часавы пас
- улетку UTC+10 (UTC+10)
+10 (UTC+10)

Незалежнасьць
- -

Дзяржаўны гімн «Fanohge Chamoru»

Аўтамабільны знак -

Дамэн верхняга ўзроўню

.gu

Тэлефонны код +1 671

Тэрыторыя Гуа́м (па-ангельску: Territory of Guam) — выспа ў архіпэлягу Марыянскіх выспаў у Ціхім акіяне, якая належыць ЗША.

[рэдагаваць] Гісторыя

Выспа была адкрытая 6 сакавіка 1521 году Фэрнанам Магеланам і атрымала назву Зладзейская выспа, таму што мясцовыя жыхары не разумелі, што такое ўласнасьць і скралі з карабля дробныя рэчы. У 1668 годзе на выспу прыбылі першыя гішпанскія місіянэры. У 1898 годзе, пасьля гішпана-амэрыканскай вайны выспа была перададзена ЗША.

Пад час Другой Сусьветнай вайны, у 1941 годзе выспа была акупаваная Японіяй. Акупацыя цягнулася да 21 ліпеня 1944 году. У 1950 годзе кіраўніцтва над выспай перайшло ад Вайскова-марскога флота ЗША Міністэрству Замежных справаў, тут была прынятая канстытуцыя, сфармаваны парлямэнт, жыхарам было падаравана амэрыканскае грамадзянства. З гэтага часу Гуам атрымаў унутраную аўтаномію, якая была пашыраная ў 1970 годзе.

[рэдагаваць] Палітыка

Гуам зьяўляецца тэрыторыяй залежнай ад ЗША. Урадам выспы кіруе губэрнатар, які выбіраецца на ўсеагульных выбарах. Грамадзяне Гуама адначасова зьяўляюцца грамадзянамі ЗША, але яны ня маюць права галасаваць у прэзыдэнцкіх выбарах ЗША.

[рэдагаваць] Геаграфія

Выспа мае вульканічнае паходжаньне, абкружаная каралавымі рыфамі. Знаходзіцца ў паўночнай частцы Ціхага акіяна, паміж Гаваямі і Філіпінамі. Гуам – гэта самая вялікая і самая паўднёвая выспа з Марыянскіх выспаў.

[рэдагаваць] Адміністрацыйны падзел

Гуам дзеліцца на 19 акругаў:

[рэдагаваць] Эканоміка

Асновай эканомікі Гуаму зьяўляецца абслугоўваньне амэрыканскай вайсковай базы і турызм. Разьвіцьцё атрымала і рыбная лоўля. Праблемай выспы зьяўляюцца злачынныя групы з Кітаю, Расеі, Японіі і Паўднёвай Карэі, якія «адмываюць» тут брудныя грошы, гандлююць наркотыкамі і рабамі^{[Крыніца?]}.

[рэдагаваць] Дэмаграфія

Насельніцтва Гуаму складаецца з наступных этнічных групаў:

чаморы — 37,1%
філіпінцы — 26,3%
эўрапэоіды — 6,5%
іншыя — 30,1%.

Асноўнай рэлігіяй зьяўляецца каталіцызм (85%). Мовамі, якімі карыстаюцца жыхары выспы зьяўляюцца: ангельская (38,3%), чамора (22,2%), філіпінская (22,2%), іншыя (17,8%).