Густаў Клімт

Густаў Клімт
Нарадзіўся:	14 ліпеня 1862 (150 гадоў) Вена, Аўстрыя
Памёр:	6 лютага 1918
Нацыянальнасьць:	аўстрыец
Грамадзянства:	Аўстрыйская імпэрыя, Аўстра-Вугоршчына
Заняткі:	жывапіс
Вучоба:	школа прыкладных мастацтваў пры аўстрыйскім музэі індустрыяльнага мастацтва у Вене
Плынь:	мадэрнізм

Густаў Клімт (па-нямецку: Gustav Klimt) 14 ліпеня 1862 — †6 лютага 1918), аўстрыйскі мастак і графік, сымбаліст. Зарабляў на жыцьцё таксама, працуючы дэкаратарам, дызайнэрам малюнку тканін. Выбітны прадстаўнік сэцэсіі, вядучы прадстаўнік венскага мадэрнізму.

Жыцьцяпіс

Прафэсійнае жыцьцё

Густаў Клімт нарадзіўся ў сям'і Эрнста Клімта і Ганны Разаліі Фінстэр у прадмесьці Вены. Бацька Густава быў рэзчыкам па золаце, і спрыяў разьвіцьцю мастацкіх схільнасьцяў у дзяцей. Іншыя сыны — Эрнст (малодшы) і Георг Клімты таксама сталі мастакамі.

Навучаўся ў венскай мастацкай школе (Kunstgewerbeschule) у Фэрдынанда Ляўфбэргэра (Ferdinand Laufberger).

У 1879 г. працаваў у Ганса Макарта (Hans Makart). З 1883 да 1892 разам з братам Эрнстам ды мастаком Францам Мачам (Franz Matsch) працаваў у, імі ж заснаванай, «кампаніі жывапісцаў». З Мачам, аднак, стасункі пазьней разладзіліся — пасьля таго, як эскізы фрэсак Густава Клімта для стэлы венскага ўнівэрстэту былі непрыхільна ўспрынятыя венскай публікай.

Гігіена, (фрагмэнт пано «Мэдыцына»)

Партрэт Адэлі Блёх-Баўэр (1907)

У 1890 г. Клімт быў узнагароджаны імпэратарам за карціну з выявай інтэр'еру старога гарадзкога тэатру Вены. У 1891 г.стаў сябрам венскага "Дому мастакоў", але выйшаў зь яго ў 1897 і стаў адным з заснавальнікаў Венскай сэцэсіі (Wiener Secession) (быў яе прэзыдэнтам з 1897 да 1899 гг.)

У 1900 г. ягоная карціна "Філязофія" атрымала залаты мэдаль на Сусьветнай выставе ў Парыжы.

Адам і Ева (1917—1918)

У 1905 г. ён адбыўся ягоны разрыў зь Венскай сэцэсіяй.

Асабістае жыцьцё

Клімт ніколі ня меў сям'і, але меў стасункі зь вялмкай колькасьцю каханак. Меў пазашлюбнага сына.

Сьмерць

Густаў Клімт памёр ад інсульту 6 лютага 1918 г., і быў пахаваны на венскіх могілках Hietzing. У 1924 г. ягоным імём быў названы венскі завулак (Klimtgasse).

Цікавыя факты

Копіі шасці яго карцін былі выкарыстаны ў застаўцы анімэ Elfen Lied.

Галерэя

• 

  Партрэт Соні Кніпс (1898)

• 

  Яблыня (1912)

• 

  Партрэт Фрэдэрыкі Марыі Бэер (1918)

• 

  Партрэт невядомай (1894)

• 

  Партрэт Эміліі Флёгэ (1902)

• 

  Пацалунак (1907-1908)

• 

  Царква ў мястэчку Унтэрах (1916)

• 

  «Залатыя рыбкі» (1901-1902)

• 

  Тры ўзросты жанчыны (1905)

• 

  Партрэт Маргарэт Стронбараў-Віттгэнштайн (1905)

• 

  Букавы гай (1902)

• 

  Жыцьцё і Сьмерць (1908-1911)

Спасылкі

• AZH: галерэя - Густаў Клімт ^(укр.)
• Архіў Густава Клімта ^(ням.)
• Таварыства імя Густава Клімта ^(ням.)
• Найбуйнейшы збор твораў Густава Клімта ў палацы Бэльвэдэр, Вена ^(ням.)
• Жыцьцяпіс і працы ^(ням.)

 Густаў Клімт — сховішча мультымэдыйных матэрыялаў